يوسف الشريف يكشف عن تحديات واجهته في تربية أولاده بعد انفصاله عن إنجي علاء

نهال ناصر

نهال ناصر تاريخ النشر: الثلاثاء، 7 أبريل 2026 | آخر تحديث:

يوسف الشريف

تحدث الفنان يوسف الشريف عن تجربة الاهتمام بأولاده بمفرده بعد انفصاله عن زوجته الكاتبة إنجي علاء.

وحكى يوسف الشريف خلال لقائه في برنامج "صاحبة السعادة" قائلا: "أنا عايش مع أولادي الاتنين عبد الله وعبد الرحمن توأم عندهم 16 سنة تجربة صعبة في البداية وبتفكر هكمل إزاي؟".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابع يوسف الشريف: "أنا بليد جدا في كل حاجة وهما مش عارفين وفي حاجة متغيرة، أول أيام في التجربة دي كنا بندور على الغسالة في البيت قعدنا وعملنا خطة قلتلهم ما الهدوم دي كانت بتتغسل في غسالة بس فين وكان فريق بحث عنها، كل التفاصيل ملخبطة مرورا برحلة طويلة".

نرشح لك: فيديو - أحمد عبد الله محمود يروي قصة حبه لزوجته بعد 20 عامًا من الفراق: أرملة ولديها ثلاثة أطفال

وأكمل يوسف الشريف: "دلوقتي أنا بعتمد عليهم بشكل كبير حتى شغلي في الأول الموضوع كان مجاملة ما تيجوا تقروا وتقولولي رأيكم دلوقتي هما ليهم آراء في السيناريوهات وبيقولوا نصايح مهمة بالنسبة لجيلهم لأنهم مختلفين وليهم آرائهم وأكتر حاجات بيتفرجوا عليها أجنبي بس ليهم رأي يحترم، هما بيساعدوا في كل حاجة وبقت الحياة لذيذة".

وأوضح يوسف الشريف أن أولاده لا يشاهدون أعمالا عربية كثيرة لكن هناك عمل مفضل لهم من أعماله قائلا: "وهما صغيرين مكانوش بيتفرجوا على أعمالي بس كان فيلم "العالمي" كانوا بيحبوه".

وكان الفنان يوسف الشريف أصدر بيانا مشتركا مع إنجي علاء يوم الثلاثاء 28 نوفمبر 2023، أعلنا فيه طلاقهما.

واستمر زواج يوسف الشريف وإنجي علاء 14 عاما، وجاء في البيان المشترك لخبر طلاقهما : "قدّر الله وماشاء فعل.. يؤسفنا أن نعلن نحن إنجي علاء ويوسف الشريف انه قد تم الإنفصال الرسمي بيننا مع التأكيد على استمرار علاقة الود والمعزّة والإحترام المتبادل تقديرا لسنوات العشرة الطيبة التي جمعتنا ولأولادنا أجمل نعمة أنعمها الله علينا.. دعواتكم ربنا يكتبلنا اللي فيه الخير.. أشهد الله يا يوسف اني طول فترة زواجنا ماشوفتش منك غير كل خير وربنا يوفقك في اللي جاي.. الحمد لله على كل شيء".

يشار إلى أن إبراهيم تشيليكول عاد بعد فترة غياب إلى الشاشات بمسلسل "Doktor Başka Hayatta".