دينا دياب عن فيديوهات رقصها: كنت بوصل رسالة أن الرقص مش حاجة وحشة ولا رخيصة

نهال ناصر

نهال ناصر تاريخ النشر: الاثنين، 6 أبريل 2026 | آخر تحديث:

دينا دياب

تحدثت الفنانة دينا دياب عن الفيديوهات التي انتشرت لها وهي ترقص ولاقت رواجا كبيرا وتعليقات كثيرة من الجمهور والفنانين.

وأكدت دينا دياب أنها لم تتخيل هذا التفاعل الكبير على الفيديوهات وقالت خلال لقاء مع ET بالعربي: "الفيديو دا أنا مكنتش متخيله إنه هينتشر الانتشار الكبير دا انتشر في دول برا مصر في الوطن العربي وبرا الوطن العربي، عشان مجتمع الراقصين منتشر في العالم كله، في الأساس أنا برقص في مكان في وسط البلد اسمه استديو سمارة دا المكان اللي بنتمي ليه حاليا برقص فيه".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابعت دينا دياب: "زمان مكانش في اهتمام بأن أنا بستعرض جسمي على قد ما أنا عايزة انقل حالة عايزة احكيلك باستعراضي دا بكل جوارحي وحركات جسمي بوريلك فن، بدل الرقص بتاعة زمان مش كلها مستورة أوي بس كانت شيك ومتحسيش باشمئزاز وانتي بتتفرجي عليها الموضوع كان شيك أوي وفي رقي".

نرشح لك: فيديو - ابنة مصطفى محمود: أتمنى التركيز على الجانب العلمي في شخصية والدي بمسلسل "رحلتي من الشك إلى اليقين"

رقص دينا دياب

وكشفت دينا دياب عن قلقها من رد فعل الجمهور لكنها لم تتوقع هذا الاستقبال للفيديوهات قائلة: "كنت خايفة الناس متتقبلنيش وكنت خايفة يقولوا إيه دا دي رقاصة لقيتهم شايفين اللي أنا شايفاه وحاسين اللي حساه وشايفين أنه مش ابتذال ومستقبلني بقبول وحب مكنتش مصدقة وكنت بقول هو أنا بحلم تعليقات جميلة من ناس عادية وفنانين ونقاد".

وأوضحت دينا دياب أنها من البداية هدفها توصيل رسالة للجمهور أن الرقص ليس ابتذال بل هو فن مصري قديم قائلة: "دي كانت رسالة كنت بتمنى في يوم من الأيام إني أوصلها أقول للناس أن الرقص المصري أو الشرقي مش حاجة وحشة ولا هو ابتذال ولا هو حاجة رخيصة دا فن موجود في تراثنا من سنين كان نفسي أكون الشخص اللي يقدر يرجع دا أكون أنا البداية مصر مليانة مواهب بنات وفنانات بيرقصوا حلو جدا".