تحدث الفنان حمادة هلال عن الجدل الذي أثير خلال الأيام الماضية بين الفنانين حول المتصدر للمشاهدة في رمضان 2026، موضحا موقفه من هذا الأمر وسبب عدم نشره أي شيء عن مشاهدات مسلسله "المداح 6".
وقال حمادة هلال في لقاء مع blinxnow: "ممكن ألاقي في نجاح موجود على السوشيال ميديا بس على أرض الواقع مش موجود، تيجي تسأل الناس في البيوت طالما بيقعد يقولك أنت عملت وخايفين فدا النجاح".
تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا
وعن سبب عدم ظهوره وحديثه عن تصدره للمشاهدات قال حمادة هلال: " مش حاسس أنها لايقة عليا بيجيلك لحظة تقول ما تيجي نعمل فيديو تتكلم وعملت فيديوهات وأبص عليها أقول لا مش أنا فامسحها عايز تطلع تتكلم مش تتكلم تقول أنا أحسن واحد لكن قول نصيحة، بعدين قلت أنا مالي أدخل ليه خناقة أنا مليش دعوة بيها، إحنا لو متعلمناش من الناس اللي طلعنا واتربينا على نجوميتهم وشفنا قد إيه عملوا نجاح كبير مشفتش ولا واحد منهم طلع يقول أنا أفخم مسلسل ولا أفضل واحد ولا باخد كام كانوا بيخافوا يقولوا بياخدوا كام عشان محدش يحسدهم".
نرشح لك: هالة فاخر: فيه أعمال ندمانة عليها بعد مشوار فني طويل ووافقت بسبب الاحتياج المادي
وأكد حمادة هلال أنه لا يحب نشر أرقام المشاهدات رغم أنه يمتلك الأرقام الحقيقية قائلا: "وأطلع أنشر على السوشيال ميديا ليه أنا مش عايز اتدخل في حاجة لأن اللي عملوا كده أصحابي وحبايبي وإخواتي ومن حق كل واحد يفرح بنجاحه وأنا بفرح لأن كل المشاهدات اللي بينشروها في الصور بلاقي "المداح" متصدر فأقول ليه، رغم أن أنا عندي المشاهدات الأساسية الموجود في كل القنوات ومش هقدر أقول بس اقسم بالله العظيم موجود إني ناجح".
وعن رأيه فيما حدث بين عدد من الفنانين: "مقدرش ألوم على حد في حد منهم صاحب وأخويا وعزيز عليا لكن مرضتش أكلمه مستني الأمور تهدأ أكلمه، عمرو سعد فنان وعامل مسلسل جامد جدا وممثل تقيل، وأحمد العوضي حبيبي وصاحبي وعامل شخصية والناس بتحبه، و" الست موناليزا" مسلسل في البيت عندنا بيتفرجوا عليه وياسمين مسلسلها جميل و"عين سحرية" الناس بتتكلم عنه و"صحاب الأرض" دا مسلسل يحترم وأمير كرارة عامل مسلسل هايل وماجد المصري وخالد الصاوي وأحمد عيد "ولاد الراعي" عاملين مسلسل هايل.
ويشارك حمادة هلال في موسم رمضان 2026 بمسلسل "المداح 6".
"المداح 6" من بطولة حمادة هلال، هبة مجدي، خالد سرحان، دنيا عبدالعزيز، حمزة العيلي، مفيد عاشور، علاء مرسي، خالد أنور، عفاف رشاد، جمال عبد الناصر، وفاتن سعيد، والعمل من تأليف أمين جمال، وليد أبو المجد، شريف يسري، وإخراج أحمد سمير فرج.
اقرأ أيضا:
طارق لطفي: السوشيال ميديا سلاح ذو حديين والنجاح الحقيقي يظهر بالشارع والجمهور هو الحكم
إسلام ضحية نرجس بنت إبليس: حياتي مدمرة من سنين ونفسي أشوف أهلي الحقيقيين
سلوى عثمان: ندمانة على مشاركتي في "أب ولكن" ... الكواليس ماكنتش حلوة
منة فضالي تنفي خلافها مع ياسمين عبد العزيز: بحبها جدا ومبتعملش مشاكل
بيتر ميمي يرد على كابتن إيلا بعد تعليقها على مسلسل "صحاب الأرض"
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5