غادة عبد الرازق: في بداياتي كنت بدفع فلوس عشان أمثل

نهال ناصر

نهال ناصر تاريخ النشر: السبت، 21 فبراير 2026 | آخر تحديث:

غادة عبد الرازق

تحدثت الفنانة غادة عبد الرازق عن بداياتها الفنية كاشفة أنها كانت تدفع أموالا من أجل التمثيل والمشاركة في الأعمال.

وأوضحت غادة عبد الرازق خلال لقائها في برنامج "حبر سري" أن سبب انشغالها عن ابنتها "روتانا" في طفولتها كان العمل من أجل الشهرة وليس من أجل المال قائلة: "انشغلت عن روتانا بنتي بسبب الشهرة والشغل مش بسبب الفلوس، أنا طول عمري معايا فلوس من قبل ما كنت اشتغل ودي حاجة كانت معروفة عني كنت في الأول بدفع فلوس عشان أمثل، بعدت عن بنتي طبعا لأني كنت مركزة جدا في شغلي كنت بشتغل كتير وبتواجد في أماكن التصوير بالساعات".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وحكت غادة عبد الرازق عن موقف لا تنساه مع أحد المخرجين الراحلين في بداياتها وقالت: "كنت في البدايات وحد رشحني لمخرج كان مسلسل لنجمة كبيرة جدا وكان عمل رمضاني كبير، قالولي روحي مكان التصوير عشان يشوفوكي، واللوكيشن فيلا كبيرة جدا فيها 500 عامل بالكاميرات والنجوم، وأنا نازلة على السلم بقول للمخرج بعد إذن حضرتك ممكن يدوني الورق أقراه، راح منادي على واحد وقال يا فلان عايزة تقرى بتريقة عليا".

نرشح لك: #شرطة_الموضة: تفاصيل فستان "الانتقام" الذي ظهرت به ياسمين عبد العزيز في مسلسل "وننسى اللي كان"

تصريح غادة عبد الرازق

وتابعت غادة عبد الرازق: "أنا كنت عايزة الأرض تنشق وتبلعني لأني مكنتش شايفة السلم اللي أنا نازلة عليه فين كنت عايزة أوصل لباب الفيلا وأخرج منها ومش شايفة قدامي، لأنه كان بيقولها بتريقة، عدت الأيام وربنا كرمني جدا وابتديت أعمل بطولات، نفس المخرج بعتلي مسلسل 30 حلقة وكان زمان المسلسل بيجي الـ30 حلقة مكتوبين، أخدت العمل دخلت حطيته في الأوضة عندي وسبته شهر كل ما يكلموني أقولهم بقراه، وبعد ما عدى الشهر رجعتله الأظرف بنفس القفلة، أنا عمري ما جبت اسمه أو حكيت لكن أنا ردتهاله بعتلي في يوم 30 حلقة عشان اقراها، كنت بقوله هو مش اللي زيي ميستحقش أنه يقرأ فخلاص مش هقرأ".

يذكر أن آخر أعمال غادة عبد الرازق مشاركتها في رمضان 2025 بمسلسل "شباب امرأة".

إلى جانب غادة عبد الرازق، يشارك في بطولة المسلسل كل من يوسف عمر، محمود حافظ، ومحمد محمود، وجوري بكر، ولينا صوفيا بن حمان، وداليا شوقي، وحسن أبو الروس، ورانيا منصور، وطارق النهري.