وجه الفنان محمود حجازي رسالة لزوجته ووالدة ابنه بعد الأزمات التي تلحق به، سواء بعد اتهامها له بضربها أو اتهامه من فتاة أجنبية بالتعدي عليها في غرفة أحد الفنادق.

كتب محمود حجازي عبر حسابه بموقع Facebook: "احنا منعرفش الخير فين وليه بيحصل كل ده اكيد ربنا ليه حكمه والحقيقه هتبان هتبان وساعتها هبقي ضامن حقي في الدنيا زي ما ضامن حقي في الاخرة، كفايا كدب ده انتوا حتي بتكذبوا في الشهاده العلميه وبتقولوا دكاتره فين طيب الدكتوراه دي وهي كدبه بتحاولوا تداروا بيها عن نقصكم .. انتم فاضيين ولا تعموا غير علي أذيتي وكل من حولي".

وتابع محمود حجازي: مهما عملتوا مش هتنازل عن منع سفر ابني اللي أنا محروم منه ولحد دلوقتي ابويا وامي لسه ماشفهوش خالص من ساعه ما أتولد وبقي عنده سنه ونص وبقاله في مصر ٥ شهور.

وأضاف محمود حجازي: ربنا موجود وانا اقوي من اي حاجه عشان معايا الحق، ومهما صرفتوا من حملات عشان تدمروني مش هتعرفوا ده تعب سنين ولو عايزين تتشهروا اصبروا لسه اللي جاي هيشهركوا اكتر رغم كنت ساكت عشان خاطر ابني بس دلوقتي خلاص لازم الدنيا كلها تعرف حقيقتكم زي ما ربنا عارفها اني فوضت امري لله، وبجد اللي حصل ده علمني كتير اوي وشكرا لكل حد سال عليا او قال كلمه خير في حقي.

واستكمل محمود حجازي: ولكل حد بيتكلم عن الموضوع وكانّه عايش معانا وبياكد اتهامات من غير دليل حسبنا الله ونعمه الوكيل لقاءنا قدام ربنا
أنا واثق في ربنا و القضاء المصري وحقي هيرجع بالقانون.