عمرو محمود ياسين عن جدل قصة "وننسى اللي كان": كفاية افتراضات ساذجة أنا صوتي من دماغي

نهال ناصر

نهال ناصر تاريخ النشر: الاثنين، 26 يناير 2026 | آخر تحديث:

عمرو محمود ياسين

رد المؤلف عمرو محمود ياسين على تعليقات وتكهنات الجمهور حول مسلسله الجديد "وننسى اللي كان" بعد حديث البعض أنه يحكي قصة فنانة.

وكتب عمرو محمود ياسين عبر حسابه على Facebook: "بقرأ كتير بوستات وتعليقات عبيطة وبضحك من سذاجة المكتوب كلمتين هقولهم، عمر ما حصل ولا هيحصل إني اكتب الدراما بتاعتي لخدمة أهداف محددة لا حصل ولا هايحصل ولا عمر ده اتطلب مني أصلا".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابع عمرو محمود ياسين: "أنا بحترم مهنتي جدا وصوتي من دماغي أنا مؤلف بيحضر تصوير كل شوت في مسلسله عشان اضمن دايما أن النص بتاعي بيسير في الاتجاه اللي أنا مقتنع بيه، وبقف على الكلمة والحرف وكل اللي اشتغلوا معايا عارفين الكلام ده".

نرشح لك: #شرطة_الموضة: تعديلات هيفاء وهبي على فستانها في حفل الرياض ... سعره 55 ألف جنيه

وأكمل: "يعني قصة أي مسلسل هي قراري واختياري عنوان المسلسل أسماء الشخصيات كل حرف وكلمة هو ملكي ومسؤوليتي .. وفي نفس الوقت بيتم في إطار شغل جماعي واحترام متبادل بيني وبين كل عناصر العمل".

وأضاف عمرو محمود ياسين: "لكن أي بقى تفصيلة تتشابه أو تتقاطع مع أي شخصية في الحياة فده أمر وارد لأن أي مؤلف في الدنيا ينهل من وعاء الحياة والمجتمع اللي عايش فيه. فا كفاية افتراضات ساذجة، والحمد لله أني بشتغل دايما مع فنانين ونجوم محترمين أقدر حجمهم وبيقدروا دوري وشغلي .. وأشوفكم قريبا في رمضان إن شاء الله".

منشور عمرو محمود ياسين

وكان الجمهور تحدث عبر مواقع التواصل الاجتماعي وانقسمت الآراء أن مسلسل "وننسى اللي كان" يحكي قصة الفنانه شيرين عبد الوهاب، فيما قال آخرون أنه قصة الفنانة ياسمين عبد العزيز.

مسلسل "وننسى اللي كان" من تأليف عمرو محمود ياسين وإخراج محمد حمدي الخبيري، ويشارك في بطولته إلى جانب ياسمين عبد العزيز وكريم فهمي كل من إنجي كيوان، خالد سرحان، ومنة فضالي، ومحمد لطفي، لينا صوفيا، ومن المقرر عرض المسلسل ضمن السباق الرمضاني (2026) على قنوات إم بي سي.