كشفت الفنانة هبة السيسي عن إصابتها بالسرطان.
وفي أول ظهور لها ببرنامجها "ميس إيجيبت" الذي تقدمه عبر قناة "الشمس" كشفت تفاصيل الوعكة الصحية التي مرت بها الفترة الماضية.
تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا
وقالت هبة السيسي: "النهاردة أول حلقة ليا بعد فترة صحية كانت صعبة جدا بعد إصابتي بالسرطان وعملت عملية كبيرة بس الحمد لله ربنا كرمني وعدت على خير".
وتابعت هبة السيسي: "حابه أطمن كل الناس اللي سألوا عليا وقلقوا عليا ودعولي من قلبهم أنا الحمد لله بقيت كويسة، بس الفترة اللي فاتت خلتني أحس يعني إيه دعوة طالعة بصدق من القلب ويعني إيه في ناس حلوة وجميلة موجودة واقفة في ضهري من غير مقابل، حابه أشكر كل الناس اللي سألت عليا سواء برسالة أو بمكالمة أو زيارة أو حتى دعوة لأن دعواتكم فرقت معايا جدا أنا كنت داخلة في موضوع كبير والحمد لله كلامكم الجميل وصلني وكان دعم ليا في وقت بجد أنا كنت محتاجة الدعم وكنتوا فعلا سند حقيقي ليا".
واختتمت هبة السيسي حديثها: "النهادرة أنا راجعة بطاقة جديدة وحابه أقول لأي حد بيمر بتجربة صعبة أنتوا أقوى مما تتخيلوا وربنا هيسخر لكم اللي يسندكم ويدعمكم ومفيش أقرب من ربنا في أي وجع شكرا ليكم جدا".
وكانت هبة السيسي خضعت لعملية جراحية في أول يناير الجاري، ووقتها طلبت صديقتها الفنانة ياسمين جمال من الجمهور الدعاء لها دون الكشف عن تفاصيل العملية.
يذكر أن آخر أعمال هبة السيسي فيلم "حليمو أسطورة الشواطئ" قدمته عام 2017، تأليف محمد فضل وإخراج محمد سعيد، وشارك في بطولته طلعت زكريا وريم الباروي ودينا ونرمين ماهر وكريم أبو زيد وأحمد حلاوة وبيومي فؤاد.
اقرأ أيضا:
#شرطة_الموضة: يسرا بفستان ذهبي في جوي أووردز سعره 805 ألف جنيها
أول تعليق من عمرو أديب على انفصاله عن لميس الحديدي: حياتي ملكش دعوة بيها
#شرطة_الموضة: ياسمينا العبد بفستان أسود بسيط في جوي أووردز سعره 288 ألف جنيه
لا يفوتك: للأطفال فوق الـ 20 سنة ... 3 أفلام أنيميشن لازم تشوفهم
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5