حل النجم محمد ممدوح ضيف برنامج "لمن يهمه الفن" الذي تقدمه أميرة نور على "نغم FM"، ليكشف عن العديد من الكواليس وعلاقته بالمخرجة مريم أبو عوف ولماذا تم تسميته بـ"تايسون".

قال محمد ممدوح: "المخرجة مريم أبوعوف من الناس اللى وثقت فيا ووقفت جنبي، وأول فرصة حقيقية ليا كانت معاها فى فيلم (بيبو وبشير)، وحاربت ناس كتير أوي كانت مانعة إن أنا أشتغل وأعمل الفيلم ده".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وعن لقبه بـ"تايسون"، قال: "مش بحب لقب (تايسون السينما المصرية)، لأن مفيش حاجة اسمها كده، واسم تايسون ده الكابتن بتاعي كان بينادينى بيه عشان كان نفسى قصير زى تايسون، وأستاذ شريف عرفة هو اللي خلاني أكمل بيه".

وتحدث محمد ممدوح عن كواليس فيلم "السادة الأفاضل"، قائلا: "فيه كواليس ما أنسهاش فى فيلم "السادة الأفاضل"، منها لما الأستاذ أشرف عبدالباقى فى يوم جاب لنا كلنا سندوتشات جبنة وحلاوة وبعد ما أكلنا كان عندنا مشهد وكنا تعبانين جدا، فجاب لنا مطبخ كامل من المطعم بتاعه، وفي اليوم ده نمنا من كتر الأكل!".

وتطرق الحوار لابنته "كاميليا"، وقال: "بنتى كاميليا أول حاجة شافتها ليا كان فيلم "بنك الحظ"، وما كانتش مصدقة إزاي أنا فى الشاشة وفى الواقع".

وكش محمد ممدوح أنه استعان بـ"الغوريلا" لتقديم شخصيته في فيلم "شقو"، قائلا: "استعنت بالغوريلا في إني أخلى الشخصية تبقى شبه الغوريلا وعملت الماشية بتاعتي شبهها".

وعن جديده، قال: "بحضر الفترة الجاية لفيلم اسمه "حتة مني"، وإن شاء الله يعجب الناس".

اقرأ أيضا:

نجمات اخترن فساتين حمراء على السجادة اللافندر في حفل جوي أووردز

فساتين سوداء على السجادة اللافندر في حفل جوي أووردز

دينا الشربيني وأمينة خليل وغادة عبد الرازق وأحمد فهمي في حفل جوي أووردز

بعد سنوات طويلة من الخلاف ... جوي أووردز تجمع بين عمرو مصطفى وباسم يوسف

لا يفوتك: للأطفال فوق الـ 20 سنة ... 3 أفلام أنيميشن لازم تشوفهم

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5