أعلن الفنان محمد رمضان عن استبعاده من الغناء في حفل نهائي كأس أمم إفريقيا، الذي كان من المقرر إقامته مساء اليوم مع إقامة نهائي البطولة.
ونشر محمد رمضان فيديو تحدث فيه للجمهور كشف فيه ما حدث معه وقال: "كل حبايبي وأصدقائي وزمايلي وكل اللي قابلني صدفة من الشعب المغربي لمس حبي لشعبها وملكها ربنا يحفظه وينصره وسعيد جدا بمشاركتي في الألبوم الرسمي لأمم إفريقيا، وفضيت نفسي فورا ورحت مراكش وصورت وقالولي بعد كده أن هيتم تأجيل غنائي من الافتتاح للختام، لأنه حصل حملة هما بيقولولي كدا وقالوا إزاي مصري بيغني في افتتاح بطولة في المغرب، وأنا إفريقي ودي بطولة قارية عن إفريقيا".
تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا
وتابع محمد رمضان: "ومع ذلك قلت مفيش مشكلة هنغني في الختام وأعلنت إني هغني في الختام وإحنا قبل الختام بيوم وهما مش بيتواصلوا معانا، أرسلت رسالة للشخص المسئول من المغرب فبعتلي فيديو غريب جدا لعمرو أديب بيتكلم عن مشكلة بين مدير فني، أنا إيه علاقتي بده وإيه علاقة الفن بده".
وأكمل محمد رمضان: "ولكن الدرس المستفاد من الفيديو أو اللي أنا عايز أوصله إن دا تصرف فردي زعلني وتصرف فردي مسيء لأني فضيت نفسي ولغيت حاجات وحتى مكلفوش خاطرهم أنهم يعتذرولي ويقولولي بعد إذنك في مشكلة أو هيتم إلغاء الاحتفال أو مشاركتك هتعمل مشكلة، بس أعرف إحنا باقي أقل من 24 ساعة ومعرفش أي شئ، دا تصرف سيء من فرد أو أفراد ولا يقلل أبدا من حبي واحترامي للمغرب، أوعوا تاخدوا تصرف فردي وتحملوا دولة كبيرة عليه الشخص دا هو مسئول عن تصرفه والأفراد دول مسئولين عن إساءتهم وتعود عليهم وعلى شخصهم لا تعود على دولة كبيرة اسمها المغرب أو دولة اسمها مصر، حاجة زعلتني ولكن احترم وأحب وأقدر المغرب لآخر يوم من أصغر فرد لملكها ربنا ينصره ويحفظه ويطول في عمره ويحفظ ولي العهد".
وكان محمد رمضان أعلن عن غنائه في ختام نهائي كأس الأمم الإفريقية.
اقرأ أيضا:
نجمات اخترن فساتين حمراء على السجادة اللافندر في حفل جوي أووردز
فساتين سوداء على السجادة اللافندر في حفل جوي أووردز
دينا الشربيني وأمينة خليل وغادة عبد الرازق وأحمد فهمي في حفل جوي أووردز
بعد سنوات طويلة من الخلاف ... جوي أووردز تجمع بين عمرو مصطفى وباسم يوسف
لا يفوتك: للأطفال فوق الـ 20 سنة ... 3 أفلام أنيميشن لازم تشوفهم
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5