تحدث الشاعر تامر حسين عن أزمة الفنانة شيرين عبد الوهاب وطالب بتدخل الدولة لرعايتها.
وكتب تامر حسين عبر حسابه بموقع X: "بعيداً عن المُتاجرة والمُزايدة فى محبة شيرين اللى عايزلها الخير يناشد الدولة إنها ترعاها وشيرين تفضل تحت عينهم مش أقل من 6 شهور على التوالى وفي مستشفيات خاصة للدولة مش برعاية زُملاء أو أصدقاء مهما كانوا قريبين لا يستطعون الرعاية الطبية الشاملة والكاملة".
تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا
وتابع تامر حسين: "ومش هايقدروا على شيرين لو زهقت وعازت ترجع بيتها هى محتاجة رعاية شديدة ورقابة بمنع أى حد من القرب مِنها إلى إن تتعافىّ وتقوم بألف سلامة غير كده هانلف فى نفس الدايرة ودى نصيحة خالصة لوجه الله ومن محبتى فى إنسانة طيبة وغالية علينا جميعاً ماحدش هايقوم شيرين من اللى هى فيه غير شيرين والدولة فقط وربنا أولا وأخيرا".
وكان الفنان شادي شامل كتب عبر حسابه على Facebook: "بسيارة إسعاف نقل شيرين عبد الوهاب لمنزل فنانة شهيرة".
فيما كتب الإعلامي عمرو أديب عبر حسابه على Twitter تعليقا على الأخبار: "الحمد لله لم أكن أبالغ عندما قلت لكم يجب إنقاذها فورا ! شيرين فى حاجة لكل الدعم والأصدقاء".
وكان الإعلامي عمرو أديب وجه رسالة لشيرين عبد الوهاب طالبها فيها بالظهور والتحدث لتطمئن جمهورها عليها.
وقال: "يا شيرين أنا مابقولكيش اتكلمي معايا أنا مش مستني سبق لكن حرام يا بنتي أنا حاسس أن شيرين بتخلص أنا معرفش هي فين ومين معاها ومرتبطة بمين وصحتها عاملة إزاي ومحدش يعرف حاجة، شيرين دي ثروة مصرية وثروة عربية أنا شايف أن في حالة من حالات الإنكار ناس بتقول سيبوها في حالها طيب هي فين؟".
وتابع عمرو أديب: "في حاجة موجودة على السوشيال ميديا الناس بتنادي على شيرين إنتي فين؟ الأمر فيه حاجتين عندنا مأساة موسيقية أن أغانيها مش موجودة مقفول عليها، خناقة ما وحقوق، وفي مسألة داخلية بحمل شيرين مسئوليتها هي شيرين فين وحالتها الاجتماعية إيه ونشاطها فين؟ شيرين مختفية الأمور متسابة، شوية يطلع بيان يتقال أنه بصوتها وشوية يتقال دا ai أو يطلع بيان عنها ثم يصدر تكذيب".
اقرأ أيضا:
إيمان العاصي عن "قسمة العدل": دور مريم رسالة توعية للأبناء
رمضان 2026 - "إفراج" لعمرو سعد... قصة واقعية من ملفات ممنوعة من النشر لم تعلن من قبل
ياسمينا العبد وأحمد داش وداليا شوقي وصدقي صخر يساندون أمير المصري في عرض فيلم Giant في مصر
لا يفوتك: للأطفال فوق الـ 20 سنة ... 3 أفلام أنيميشن لازم تشوفهم
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5