حمو بيكا: ندمان إني متعلمتش ونفسي أمثل ولبسي أنت متعرفش تلبسه

نهال ناصر

نهال ناصر تاريخ النشر: السبت، 3 يناير 2026 | آخر تحديث:

حمو بيكا

عاد مطرب المهرجانات حمو بيكا للتواصل مع جمهوره في بث مباشر عبر صفحته على Facebook، وذلك بعد الإفراج عنه في قضية حيازة سلاح أبيض.

في البداية وجه حمو بيكا رسالة لجمهوره وقال: "الحمد لله أزمة وعدت ويارب ما يكتبها على أي حد خالص الحرية حلوة وياريت كل واحد ماشي في الغلط يرجع عنه وخليك ماشي صح عشان بلدنا حلوة ولازم كلنا نبقى حلوين".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وبعدها بدأ حمو بيكا الرد على أسئلة جمهوره، وكشف أنه يتمنى التمثيل قائلا: "أنا نفسي أمثل بس مش شايف ولا مخرج ولا منتج كلهم بقى مش عارف مشغولين في مسلسلات رمضان، ربنا يكرمنا بمنتج ولا مخرج ياخدنا يعملنا بطولة عشان أنا خلاص جبت أخري وعاوز أخش أعمل فيلم بقى يكون من البداية للنهاية، عشان في ممثلين كبروا المفروض يجيبوا ناس جديد ويطلعوا ناس جديدة".

نرشح لك: بوسي تخطف الأنظار بجامبسوت أحمر في حفلها الغنائي ليلة رأس السنة

حمو بيكا من البث المباشر

وعبر حمو بيكا عن ندمه لأنه لم يتعلم قائلا: "التعليم رقم واحد أنا بندم إني مبعرفش أقرأ أو أكتب، كل واحد معاه شهادة يبوس إيد أمه وأبوه، زي ما أنا ببوس إيد أبويا وأمي عشان طلعوني راجل وعمري ما بصيت لحاجة مش بتاعتي".

وغضب حمو بيكا من تعليق أحد متابعيه واتهامه أنه سبب دمار جيل كامل بسبب أعماله وطريقه ملابسه وقال "أنا مدمرتش جيل كامل ليه يعني، اللبس دا أنت متعرفش تجيبه أصلا، يا أما نفسك تجيبه بس معلش يا حول الله يارب، إحنا كلنا ولاد ناس ومتربيين إحنا مش سرسجية".

حمو بيكا

وأكمل حمو بيكا: "لما دخلنا الغناء إحنا دخلنا بنعبر عن اللي جوانا وكل واحد حابب حاجة بيعملها، اللي حابب يبقى مني هيغني واللي حاب يمثل هيمثل واللي حابب كتور هيبقى دكتور كل واحد بيبقى شاطر في حته بس ركز وخلي هدفك قدامك".

وكانت حكمة مستأنف قصر النيل، قضت بحبس مطرب المهرجانات حمو بيكا 3 أشهر بدلا من الحبس عام لاتهامه بحيازة سلاح أبيض.