كشف السيناريست والمخرج محمد صلاح العزب عن تسجيل صوتي ورسالة وجهتها الفنانة الراحلة سمية الألفي لابنها أحمد الفيشاوي بعد زيارتها لموقع تصوير فيلمه "سفاح التجمع".

ونشر محمد صلاح العزب الرسالة الصوتية عبر صفحته على Facebook: "حبيبي أحمد ربنا يخليك ليا ويارب يسعدك زي ما بتسعدني ويريح قلبك زي ما بتريح قلبي، حبيبي يا أحمد ربنا يكرمك ويزيدك وينجحك كمان وكمان".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابعت سمية الألفي: "الفيلم دا هيكسر الدنيا يا واد وابقى قول ماما قالت وإن شاء الله هيعمل نقطة تحول كبيرة في حياتك أنت مختلف تماما يا أحمد في الفيلم دا وعايش بجد شخصية بقالي كتير مشوفتاكش عايش الشخصية كده عارف من أيام إيه من أيام فيلم "45 يوم" من الفيلم دا مشوفتاكش عامل كده غير في سفاح التجمع ودا من حظ محمد عزب أمه دعياله زي ما أنا بدعيلك بحبك يا حبيبي".

نرشح لك: حصاد 2025- سمية الألفي وسميحة أيوب ولطفي لبيب وسليمان عيد من بينهم … نجوم رحلوا عن عالمنا هذا العام

وأكملت: "بس كبرت أوي يا أحمد شكلي باين أوي بقالي كتير أوي مطلعتش في صورة، شكلي كبرت أوي بس مش مهم أنا بحب سنين عمري كلها المهم أنت جميل يا أحمد وبتشتغل مع مخرج جميل ربنا يوفقكم يارب وشكلك هتعمل كارثة بالفيلم دا عندي إحساس غريب أن الفيلم دا هيعمل ضجة ربنا يزيدك يا حبيبي أنا بحبك، ميرسي على استقبالك وحنانك كتر خيرك يا أحمد".

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5