محمد فراج يحتفل بعيد ميلاد بسنت شوقي: كل سنة وانتي أحلى صوص بيدي طعم للحياة

نهال ناصر

نهال ناصر تاريخ النشر: السبت، 13 ديسمبر 2025 | آخر تحديث:

محمد فراج وبسنت شوقي

احتفل الفنان محمد فراج بعيد ميلاد زوجته الفنانة بسنت شوقي ووجه لها رسالة رومانسية.

عبر محمد فراج في رسالته لبسنت شوقي على حبه الكبير لها وتقديره لدورها الكبير في حياته.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

ونشر محمد فراج عبر حسابه على Instagram صورة ليده وهي ممسكة بيد زوجته وكتب: "مينفعش أقولك كل سنة وانتي طيبة قبل ما أقولك جوايا شكر وحب واعتراف بالجميل، إنتى طول عمرك معايا، بتنصحيني وبتوعيني وبتحبيني، مؤمنة بيا، سابقاني دايما بخطوة فى تفاصيل حياتنا (الصراحة هى مش خطوة واحدة هما كذا خطوة)".

نرشح لك: أحمد السقا وعلاء مرسي ونرمين الفقي ومي سليم في حفل زفاف ابنة محمد هنيدي

وتابع محمد فراج: استحملتيني واستحملتي عصبيتي وقلقي وسخافاتي وقت الشغل وخصوصا الفترة اللي فاتت واللي كان فيها الموج عالي قوي ومع ذلك بتبقي أول واحدة تقولي براڤو عجبتني، واخده بالك مني وليكي فىي كل خطوة أخدتها ربنا كرمني فيها، ليكي فى كل دور حلو أنا مثلته، شايله همي وحِملي وحِملك وحِمل القطط وحاجات كتير كتير وفوق كل ده كمان زى القمر".

بسنت شوقي ومحمد فراج

وأضاف محمد فراج: "أنا لو اتكلمت وحكيت من هنا لعيد ميلادك السنة الجاية والله مش كفايا تفتكري بعد كل ده كلمتين حتي لو صادقين ومن القلب يوفوكي حقك، كل سنة وانتي أحلى صوص بيدي طعم للحياة .. كل سنة وانتي حبيبتي".

رسالة محمد فراج لبسنت شوقي

على جانب آخر، عرض لمحمد فراج مؤخرا مسلسل "ورد وشوكولاتة".

يستوحي مسلسل "ورد وشوكولاتة" قصته من أحداث حقيقية أثارت اهتمام الرأي العام في مصر، مما يضيف عمقا ومصداقية للعمل الدرامي.

يشارك في بطولة المسلسل محمد فراج، وزينة، بالإضافة إلى مجموعة من النجوم، وتدور أحداث المسلسل في إطار من الدراما التشويقية المؤثرة، والعمل من تأليف الكاتب محمد رجاء، وإخراج محمد العدل.