فيديو - زينة: مشفتش رجالة في حياتي ... وبقيت أقرف منهم

محمد سليم

محمد سليم تاريخ النشر: الثلاثاء، 2 ديسمبر 2025 | آخر تحديث:

زينة

فاجأت النجمة زينة الإعلامية لميس الحديدي بردها على سؤال عن إمكانية زواجها مستقبلا.

وقالت زينة خلال حوراها مع الإعلامية لميس الحديدي في برنامج "الصورة" المذاع عبر قناة النهار: "بصراحة مشفتش رجالة في حياتي وبقيت أقرف منهم شوية أنا آسفة. كل الرجالة بحترمهم جدا، منهم إخواتي وولادي وأجواز أصحابي ناس محترمة وبشوف نماذج كويسة. أنا واحدة ياجماعة معقدة سيبوني في حالي".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

زينة

تحدثت زينة خلال اللقاء عن طفولتها قائلة: "كنت طفلة شقية رهيبة، ولكن أنا قوية في نفس الوقت، واللي يعاملني كويس ياخد قلبي".

زينة

وأضافت أنها في حياتها تتقبل شخصيتين، وهما: "ممكن أتقبل في حياتي شخصيتين، الشاطر العبقري بس قليل الأدب، وممكن أتقبله عادي في حياتي، وممكن أستحمل لأنه شاطر أوي، وحتى لو جه عليا وأستحمل البليد اللي مش شاطر أوي عشان أدبه وأخلاقه".

طالع أيضا - عبير صبري عن أزمة شقيقتها مروة مع دينا الشربيني: أنا في ضهر أختي

زينة

وتابعت: "لكن اللي مش فيه أي صفة من الصفات السابقة مش هعرف أتقبله، أتقبله ليه".

وردا على وصفها بأنها "وحش في الاستوديو واللوكيشن وقوية وبتاخدي حقك؟"، قالت زينة: "وحش في اللوكيشن، ومحدش بيضايقني. لو حد عمل حاجة بفوت مرة، والتانية بعد كده مش باخد أكشن، يبقى مش هشوف الشخص تاني".

زينة

وسألت الحديدي: "حتى لو ممثل أو مخرج عملوا حاجات تضايقك وقدموا ليكي عمل تاني قوي وممتاز، ترفضي تشتغلي معاهم؟" لترد قائلة: "مستحيل أشتغل معاهم تاني. وربنا اللي بيرزق، وهو اللي خلقني، محدش هيعمل حاجة أكتر من أن ربنا خلقني. وفيه ناس ممكن تقول أكل عيشك؟ وده مش صح، لأن رزق ربنا مكتوب، هتاخده سواء بكرامة أو بلا كرامة. الرزق مكتوب".

يذكر أن زينة يعرض لها حالية مسلسل "ورد وشوكولاتة"، الذي يستوحي قصته من أحداث حقيقية أثارت اهتمام الرأي العام في مصر، مما يضيف عمقا ومصداقية للعمل الدرامي.

يشارك في بطولة المسلسل محمد فراج، وزينة، بالإضافة إلى مجموعة من النجوم، وتدور أحداث المسلسل في إطار من الدراما التشويقية المؤثرة، والعمل من تأليف الكاتب محمد رجاء، وإخراج محمد العدل.