مسلم يهاجم مصطفى كامل: الواحد لما يكون معاه سلطة بيدوس على أي حد

نهال ناصر

نهال ناصر تاريخ النشر: الأربعاء، 5 نوفمبر 2025 | آخر تحديث:

مسلم

هاجم مطرب المهرجانات مسلم الفنان مصطفى كامل ونقابة المهن الموسيقية.

وكتب مسلم عبر خاصية القصص القصيرة في حسابه على Instagram: "هما عادي ممكن يسيبوا حد يبوس واحدة على الاستيدج وبعد كده يفرشوا الأرض ورد ليه ويستقبلوه أحلى استقبال، وعادي يسيبوا حد يقول إيحاءات في الأغاني وعادي محدش برضه يتكلم، وعادي يسيبوا حد يقول كلام في أغاني يخلي العيال الصغيرة تعور بعضها".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابع: "وكل دول ما يتحاسبوش وأنا اللي أفضل قاعد سنة بدون شغل عادي جدا بس أقولك إيه هيا دي الواحد لما يكون معاه سلطة بيدوس على أي حد ويطلع يتكلم باسم الفضيلة وإنه راجل عادل وعمره ما ظلم حد حسبي الله ونعم الوكيل نقابة مش عادلة".

نرشح لك: الإعلامي ربيع هنيدي يفجر مفاجأة: زواج آمال ماهر من رجل أعمال مصري

منشور مسلم

وكان مسلم نفى قيامه بوقفة احتجاجية في نقابة المهن الموسيقية احتجاجاً على قرار منعه من ممارسة المهنة منذ مارس الماضي.

وقال مسلم في مداخلة هاتفية عبر برنامج كلمة أخيرة مع الإعلامي أحمد سالم على قناة ON: "مكانش فيه وقفة احتجاجية، كل الكلام ده كذب وإشاعات، هو إحنا أيام التحرير هنزل أعمل وقفة احتجاجية عند النقابة؟ ليه يعني؟ محتاج إيه علشان أعمل كده؟ وأنا إنسان مش جاهل، أنا متعلم، وما يطلعش مني الفعل ده."

وأضاف مسلم: "أنا النهارده كان عندي مشكلة مع شركة كبيرة للإنتاج الصوتي، خلصت معاها المشكلة وخدت عقد، واللي أعرفه إنه لو جبت العقد وخلصت المشكلة هرجع أشتغل، وكنت رايح النهارده النقابة علشان أحل وارجع، وواحد صحفي كلمني وقال لي هاجي معاك علشان لو رجعت تعرف الناس إنك رجعت، وأنا قلت له طالما الناس كلها عرفت إني موقوف، وقلت لو رجعوني النهارده، وكنت واثق في ربنا، كنت هقول إني رجعت".