تحدث الفنان آسر ياسين عن تأثير لقائه في برنامج "صاحبة السعادة" عليه خاصة أنه كان يمر بفترة يشعر فيها بالشك في كل شيء.
وحكى آسر ياسين خلال بودكاست "حوارات مع عباس" مع عباس أبو الحسن: "من فترة عملت حلقة مع حبيبتي إسعاد يونس ولما اتفرجت على الحلقة دي الطريقة اللي مدام إسعاد اتكلمت بيها عني وكان في فعلا حب وهي بتتكلم عني وبعدين عرضت شريط اللي أنا ابتديت بيه من الأعمال لغاية اليوم اللي إحنا فيه أنا عيطت وقعدت اتفرج على الحلقة دي على 3 أيام وكل مرة اتفرج أعيط".
تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا
وتابع آسر ياسين: "جمعت قد إيه ربنا كان حلو معايا قد إيه كان كريم، كنت ناسي الفرص اللي أخدتها من أول الموضوع لغاية النهاردة وشكيت في أوقات إني مش بعمل الحاجة الصح وشكيت في إيماني قعدت بعد ما خصلت الحلقة قلت أنا آسف إني في يوم شكيت".
على جانب آخر، انشغل آسر ياسين الفترة الماضية في تصوير فيلم "وتر واحد" مع ويجز.
وتحدث عن دوره قائلا: "و مدير أعمال للمواهب والموهبة اللي بيديرها هي شخصية ويجز الدور حلو جدا من أحلى الأدوار اللي قريتها في سيناريوهات قبل كده في أدوار معينة مزيج بين التناقضات هو دور غني جدا".
وعن تصوير مشهد من الفيلم في حفل ويجز في العلمين الجديدة في الصيف: "المشهد دا أول مشهد في الفيلم أول مرة هتطلع الشخصية خايف أغلط بس الغلطة ممكن تبقى جايه من الشخصية بس الحمد لله ربنا وفقنا فيه وتاني يوم روحنا كملنا وصورنا مشاهد تانية".
وتابع آسر ياسين: "الناس فضلت تقول هل دا آسر ولا مش آسر أنا كنت سامع الناس وحاسس أنهم مش فاهمين حاجة في ناس فهمت وناس لا بس اللي حضر الحفلة دي حضر حاجة للتاريخ وهيبقى موجود في المشهد دا ويحكي لأولاده أنه كان حاضر الموقف دا".
وعن اللوك الذي يظهر فيه في اللوك: "قعدنا نجهز للشكل يمكن في يوم كنا مستعجلين جدا لأن الحفلة ولازم نطلع فكل حاجة خلصت في يومين، أنا أصلا بحت التاتو وبحب الشنب جدي وأبويا كان عندهم شنب وكان نفسي أعمل شنب زي بتاع جدي الرفيع ، وحاولت أبعد عن شخصية "الشايب" في الشكل هما فيهم حاجة من بعض بس مختلفين".
يذكر أن آسر ياسين شارك في موسم رمضان 2025 بمسلسل "قلبي ومفتاحه" من بطولة آسر ياسين ومي عز الدين، دياب، أشرف عبد الباقي، أحمد خالد صالح، سماء إبراهيم، حازم سمير، عايدة رياض، تقى حسام، وعدد آخر من الفنانين، وهو من تأليف وإخراج تامر محسن، وإنتاج شركة media hub سعدي- جوهر.
اقرأ أيضا:
صور - أسما إبراهيم تمثل الإعلام المصري في قمة "فوربس" ... وتدير ندوة حول تمكين المرأة ودور الإعلام
هيفاء وهبي تستعرض إطلالاتها المختلفة في كليب "إحنا الشلة"
بوسي تتجه للألوان الداكنة مع اقتراب الشتاء في أحدث جلسة تصوير
رقصة لبلبة ولقاء ليلى علوي وميني ماوس والغوريلا … جولة النجوم في شوارع نيويورك
لو فاتك: الحلقة الثانية من برنامج "غالب ولا مغلوب" ... المنافسة دخلت مراحل مهمة ومفاجآت في النتايج 🙋♂️
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5