عمرو سعد ينفي وجود خلاف بينه وبين محمد سامي

نهال ناصر

نهال ناصر تاريخ النشر: السبت، 1 نوفمبر 2025 | آخر تحديث:

عمرو سعد ومحمد سامي

نفى الفنان عمرو سعد وجود أي خلاف بينه وبين المخرج محمد سامي.

ورد عمرو سعد خلال لقائه مع "الفن اللبناني" على الأخبار التي انتشرت عن وقوع خلاف بينه وبين محمد سامي قائلا: "محمد سامي لسه مكلمني وبيكلمني كل يوم في حاجات كتير جدا بتطلع وأنا لا التفت للسوشيال ميديا على الإطلاق".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابع عمرو سعد: "أنا بعتبر كل فنان مصري أو عربي كل واحد بيقدم قيمة حتى لو أنا مختلف معاه فوق دماغي لأن أهم حاجة بتأثر في وجدان الشعب هو الفن، فوق دماغي أي فنان حتى لو حاجته مش بتعجبني أنا طالما ليه جمهور وبيأثر في ناس دا حاجة كبيرة جدا حتى لو بيسليهم بس، أنا معنديش خالص صراعات من أي نوع مش بطلع في الإعلام كتير بحب اشتغل وبس وبالتالي كتير إشاعات بتطلع عني لكن معظمها مش صحيح".

عمرو سعد

نرشح لك: يسرا وياسمين عبد العزيز وكريم فهمي ومحمد فراج وبسنت شوقي من بينهم ... هادي الباجوري وهايدي خالد يحتفلان بزفافهما بحضور النجوم

كما رد عمرو سعد على سؤال إن كان الأعلى أجرا بين النجوم وقال: "أنا مبعتبرش نفسي الأعلى أجرا ومعرفش زمايلي بياخدوا كام بس المنتجين بيقولولي إن أنا الأعلى أجرا، وأنا مش مهتم بالحكاية دي عمر ما ليا تصريح قلت إن أنا الأعلى أجرا وأعلى نسبة مشاهدة مع أن دا بيحصل من 4 سنين، لأني بعتبر أن المسلسل اللي عملته ونجح لحظة وعدت وبفكر في اللي جاي وأي نجاح بيحملني مسئولية وأي فشل بيحملني مسئولية، أنا راجل بعترف بحجم الحاجة اللي بعملها سواء نجحت أو فشلت عشان أبقى واقعي".

يذكر أن عمرو سعد قدم في رمضان 2025 مسلسل "سيد الناس".

مسلسل "سيد الناس" من بطولة: عمرو سعد، إلهام شاهين، ريم مصطفى، أحمد زاهر، أحمد رزق، إنجي المقدم، منة فضالي، خالد الصاوى، نشوى مصطفى، سلوى عثمان، رنا رئيس، بشرى، ياسين السقا، ملك أحمد زاهر، سليمان عيد، محمود قابيل، علياء صبحي، يوسف رأفت، جوري بكر، إنجي كيوان، ساندي علي، دعاء حكم، إسماعيل فرغلي، مدحت تيخا، محمد عبد الجواد، ومن تأليف وإخراج محمد سامي.