محمد رمضان: لما قربت من عائلة ترامب لمست مدى حبهم لينا

نهال ناصر

نهال ناصر تاريخ النشر: السبت، 25 أكتوبر 2025 | آخر تحديث:

محمد رمضان ولارا ترامب

تحدث الفنان محمد رمضان عن تعاونه مع السيدة لارا ترامب، زوجة ابن الرئيس الأمريكي دونالد ترامب.

وقال محمد رمضان في لقاء مع ET بالعربي: "مشروع مبسوط بيه جدا وهو مش مشروع واحد عندنا أكتر من أغنية سوا صورنا أول أغنية وهتنزل في خلال شهر أو أكتر هي أغنية جميلة ودا أول ميوزك فيديو تعمله لارا ترامب في حياتها والمفاجأة التانية إن حفيدة الرئيس الأمريكي موجودة معانا في الكليب اقرب حفيدة لقلبه وأصغر أحفاده البنات".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابع محمد رمضان متحدثا عن عائلة ترامب: "في نفس الوقت اللي صورت فيه الأغنية حصل خطوة مؤتمر شرم الشيخ للسلام بوجود الرئيس الأمريكي كنت مبسوط أوي لأن أنا لما قربت منهم بشكل شخصي ودخلت بيتهم واتعاملت مع العيلة بشكل مباشر لمست مدى حبهم لينا كعرب ومدى حبهم لمصر أنا مليش في السياسة بس ليه الحب دا مش واصل للناس، لما حصل المؤتمر كنت سعيد لوقوف الحرب وانتشار السلام زي ما ربنا أمر".

نرشح لك: هايدي موسى تحتفل بعقد قرانها على الإعلامي محمد غانم

وخلال اللقاء كشف محمد رمضان عن رأيه في الذكاء الاصطناعي وقال: "الـAI مستحيل ياخد مكانا لأنه في الآخر هيحتاج بني آدم يوجهه وهو شكل خارجي فقط لكن الروح مش هيعرف يعبر عنها الأحاسيس اللي بتخرج من العين هيعملها إزاي"؟.

على جانب آخر، ينتظر محمد رمضان عرض أحدث أفلامه السينمائية فيلم "أسد".

فيلم "أسد" من إخراج محمد دياب، وتأليف شيرين دياب، ومحمد دياب، وخالد دياب، وتصوير أحمد بشاري، وديكور أحمد فايز، وتصميم الملابس ريم العدل، ومونتاج أحمد حافظ. ويتولى الموسيقى التصويرية للفيلم هشام نزيه، وتصميم المعارك للعالمي Kaloyan Vodenicharov، وتيزر ماركوس عريان، وبوستر كريم آدم، الفيلم من إنتاج شركة Good Fellas Media Production، بالتعاون معBig Time Fund وScoop Egypt Production . التوزيع من خلال شركة Empire Entertainment في الوطن العربي، مع شريك AFD في مصر.

يشارك في بطولة الفيلم محمد رمضان، واللبنانية رزان جمال، وعلي قاسم، وماجد الكدواني، والسودانية إسلام مبارك، وأحمد داش، والفلسطيني كامل الباشا.