علقت الفنانة ناهد السباعي على دورها في فيلم "السادة الأفاضل" قائلة: "العمل جماعي، ومهما زادت مساحة الأدوار أو قلت، الحكاية كلها متشابكة مع بعض صح."
وأضافت خلال لقائها ببرنامج "الصورة" الذي تقدمه الإعلامية لميس الحديدي على شاشة "النهار":"عمر أهمية الدور ما كانت بمساحته، لكن بقيمته. الفيلم مش لفنان بعينه، لكنه عمل جماعي متميز، عبارة عن مجموعة من الفنانين متقابلين في عمل، وكل واحد ليه تأثير، ولو ماكنتش هأثر ماكنتش شاركت، فالدور مش بحجمه لكن بقدر تأثيره في تضفيرة العمل."
تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا
وتابعت قائلة:"من ضمن أمنياتي اللي تحققت في فيلم "السادة الأفاضل" هو إني أشتغل مع المخرج كريم الشناوي، لأنه بيحب الممثل وبيخليه يحس إن دوره أهم دور. أنا ماحستش إن دوري صغير أو كبير، لأن الفيلم أحداثه بتجري في وقت قصير جدًا، وبتدور في مكان واحد، فبالتالي مافيش حد دوره صغير أو كبير، لأن الأحداث كلها بتحصل في يوم واحد."
وأكملت: "الناس كلها بتشارك وبتسلم لبعض، ومن أصعب أيام التصوير إننا كنا كلنا بنستلم من بعض ونسلم لبعض، حد داخل وحد خارج."
وأضافت ممازحة: "كنت سعيدة بكمية الفنانين، كانت هيصة! دخلنا البروفة وشوفنا بعض، جالنا حالة انبهار وكنا بنقول لبعض: إيه ده! إنت معانا؟ إحنا مع بعض!"
وعن مشهد الخناقة الكبيرة قالت السباعي ضاحكة: "أنا اللي اتضربت في الخناقة مش العكس!"
اقرأ أيضا:
منى الشاذلي وإلهام شاهين ومحمود حميدة ومايا دياب من بينهم … النجوم في ليلة في حب يسرا بالجونة
بسمة تتألق بفستان أزرق يبرز رشاقتها في عرض فيلم "هابي بيرث داي" بمهرجان الجونة
لو فاتك: شطارة مايان السيد في الإجابة على كويز في الفن
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5