طارق العريان لمنتقدي "السلم والثعبان 2": نيتهم وحشة

نهال ناصر

نهال ناصر تاريخ النشر: الأحد، 12 أكتوبر 2025 | آخر تحديث:

طارق العريان

رد المخرج طارق العريان على منتقدي فيلم "السلم والثعبان 2" والاتهامات التي وجهت لصناع العمل ووصف الفيلم بأنه جريء.

وقال طارق العريان في لقائه ببرنامج "ET بالعربي": "نيتهم وحشة هو الفيلم الحقيقة مفيهوش حاجة خالص ولا فيه جرأة ولا حاجة خالص لأن هو فيلم اجتماعي درامي رومانسي، السمعة اللي طلعت عليه أن فيه جرأة معتقدش أن إحنا عندنا حاجة كده في الفيلم".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

فيلم السلم والثعبان

وأكد طارق العريان أن هذه الانتقادات بسبب طرح الإعلان التشويقي للفيلم الذي لم يوضح أي شيء عن القصة بعد قائلا: "التيزر مش بيشرح أوي هو صغير لكن الفيلم لما يتشاف مفيهوش حاجة كده".

نرشح لك: أمير كرارة وأحمد خالد صالح وجنات يساندون هنادي مهنا وأحمد صلاح حسني في عرض "أوسكار عودة الماموث"

وعن فكرة تقديم جزء ثان من الفيلم بعد 24 عاما على طرح الجزء الأول: "مكنتش فكرة موجودة عندي بقالها سنين لكن حسيت أن ممكن أعمل فيلم بنفس فكرة "السلم والثعبان" اللي هي الصعود والهبوط في العلاقة ورومانسي، حبيت أكمل القصة أن بعد 10 سنين جواز هيحصل إيه بس بشخصيات جديدة طبعا، كان في فكرة من 5 سنين حفظي كان كاتب تكملة لنفس الشخصيات وكانت حلا شيحة رجعت تاني فقولنا فرصة نعمل دا لكن هاني سلامة كان عنده اعتراض ومكنش هيتحقق ونسينا الفكرة دي وطلعت معايا الفكرة التانية".

البرومو الأول لفيلم السلم والثعبان 2

فيلم "السلم والثعبان2: لعب عيال" بطولة عمرو يوسف، أسماء جلال، وظافر العابدين، ماجد المصري، حاتم صلاح، فادوي عابد، هبة عبد العزيز، وآية سليم، من إنتاج طارق العريان وموسى عيسى، ومن تأليف أحمد حسني، قصة وإخراج طارق العريان.