كشفت الفنانة إنجي عبد الله تفاصيل حالتها الصحية بعد إصابتها بورم في المخ للمرة الثانية.
وكتبت إنجي عبد الله عبر حسابها على Facebook: "عدى6 شهور بحاول اتعالج للمرة الثانية من ورم في جذع المخ وهو مش سرطان، هو ورم حميد، لكن موجود في أخطر مكان في المخ، للأسف كل الدكاتره في مصر وبره مصر، أساتذة في مجال الأورام والمخ والأعصاب، رفضوا يعالجوني، لأني أخدت كل جلسات الإشعاع والكيماوي المسموح ليا وللمكان الصعب ده سنة 2019".
تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا
وتابعت إنجي عبد الله: "وكنت فاكرة خلاص أنا تمام، لكن للأسف رجعتلي أعراض أسوأ بكتير من زمان، أنا فقدت الاحساس بالجنب اليمين، وصعوبة في البلع وكهربا في جسمى كله لما بعمل أي حركة بسيطة حتى لما بحرك عيني، وفي حاجات تانيه كتير".
وأكملت إنجي عبد الله: "حتى أنا رجعت للمستشفى اللي اتعالجت فيه قبل كده بنصيحة من دكتور تامر النحاس اللى هو شخصيا رفض يعالجني والمستشفى طلبت مني أمضي إقرار إني مسئولة تماما عن كل اللي ممكن يحصلي لو اتعالجت، طبعا مشيت من الخوف دلوقتي أنا مع الدكتور الوحيد اللي وافق أنه يجرب علاجات خفيفة تلطيفية لمحاولة تحسين جودة الحياة مع اننظار معجزة".
وأضافت: "أنا مش بحاول اتعالج علشان متمسكة بالحياة أنا بس تعبانة جدا بقالي كتير وبدعي ربنا بحاجة واحده بس. اللهم لا نسألك رد القضاء ولكن نسألك اللطف فيه، الشخص اللي واقف جنبي وبيساعدنى أن أعمل أبسط الحاجات اليومية اللي خلاص بقت مستحيلة إني اعملها لوحدي هي أختي اللي عندها ورم في الرئة والمخ مرحلة رابعة، وكنت فاكرة أن أنا اللى هخلي بالي منها، أنا حالتي بتتاخر كل شوية والمرة دي شفت حاجات صعب إني حتى أوصفها، أنا راضية بقضاء ربنا الصعب أوي أوي ليا ولأختي لكن الحياة بجد صعبة جدا ومفاجئتها أصعب ادعولي".
وإنجي عبد الله ممثلة مصرية حصلت على لقب ملكة جمال مصر عام 1999، شاركت بعدها في عدد من الأعمال كان آخرها فيلم "حسن دليفري" عام 2016.
اقرأ أيضا:
رانيا يوسف تؤكد خبر زواجها من المخرج أحمد جمال
صفية العمري وبشرى ومحمد علي رزق من بينهم ... نجوم الفن في زيارة للسفير التركي بالقاهرة
#شرطة_الموضة: أنغام بفستان ملون مطرز يدويا في حفلها في لندن ... أجرت عليه بعض التعديلات
إلهام شاهين وبسمة وبوسي شلبي من بينهم وظهور نادر لابنها … النجوم يحتفلون مع دينا بافتتاح مدرسة الرقص
لا يفوتك: ريمونتادا وخفة دم ونزاهة.. بداية نارية في الحلقة الأولى من "غالب ولا مغلوب"
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5