سماح أنور: عمري ما خفت من التقدم في العمر

نهال ناصر

نهال ناصر تاريخ النشر: الأحد، 14 سبتمبر 2025 | آخر تحديث:

سماح أنور

أكدت الفنانة سماح أنور أنها لا تخشى التقدم في العمر ولا تعليقات الجمهور على أي شيء يخصها، مشيرة إلى أن الإنسان هو من يقرر كيف يعيش كل مرحلة من حياته.

وقالت سماح أنور خلال لقائها في برنامج "أسرار النجوم" مع إنجي علي: "التقدم في العمر فكرة جميلة جدا أنا أبويا كان دايما بيقول جملة أنا تبنيتها خلاص، أحلى حاجة في النهاردة إيه أنه هيخلص طيب إيه أحلى حاجة في امبارح أنه خلص طيب إيه أحلى حاجة في بكرا أنه لسه مجاش، أنا مش بتاعة المرايا أوي ورأي الناس فيا بالنسبة ليا ملاحظة لكن مش مؤثر كأنه لم يكن الحلو والوحش بعديه كده وخلاص".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابعت سماح أنور: "الحكاية دي بالنسبالي مخلياني معنديش مشاكل يعني مع حد في القصة دي، إحنا بنكبر في السن ومهما حاولتي تخبي الحكاية دي بتقلب بغم بعد كده لأن الواحد هيجي عليه وقت هيقع خالص ويبان كل الحاجات، لكل شخص حلاوته مش لكل سن لأن هو اللي بيقرر أنه يستمتع في السن دا ولا لأ لكن لو حد كاره أنه يبان عليه تجاعيد أو كبر في السن هيعيش أسوأ مرحلة".

نرشح لك: #شرطة_الموضة: تعديلات أحلام على فستانها بحفل جدة ... بطانة كاملة وأكمام

وأكملت سماح أنور: "بالنسبة ليا السن أصلا مش موضوع إحنا عملناه موضوع عشان في بيزنس تجميل وبوتوكس فلازم نتكلم في السن والتجاعيد عشان دا بيزنس بيجيب فلوس كتير، لكن لو هنتكلم مع فلاحة قاعدة في الغيط عايشة ومبسوطة ولما يجي أمر ربنا تمام، أنا البني آدم ده".

View this post on Instagram

A post shared by NogoumFM (@nogoumfm)

يذكر أن سماح أنور لفتت الأنظار مؤخرا بدور "أم هاشم"، الذي قدمته من خلال مسلسل "كتالوج".

المسلسل من إخراج وليد الحلفاوي، وإنتاج أحمد الجنايني، وتأليف أيمن وتار، وبطولة محمد فراج (يوسف)، وضيفة المسلسل ريهام عبد الغفور (أمينة)، وتارا عماد (هويدا)، وخالد كمال (حنفي)، وبيومي فؤاد (جورج)، وسماح أنور (أم هاشم)، وصدقي صخر (تامر)، ودنيا سامي (هالة)، وعلي البيلي (منصور)، وريتال عبد العزيز (كريمة)، وأحمد عصام السيد (أسامة).