حسام حبيب: بعت فيلتي وعربيتي وساعاتي عشان ماخدش مليم من أهلي ولا من شيرين

نهال ناصر

نهال ناصر تاريخ النشر: الاثنين، 25 أغسطس 2025 | آخر تحديث:

حسام حبيب وشيرين عبد الوهاب

رد الفنان حسام حبيب على ما يقوله البعض أنه يعود إلى شيرين عبد الوهاب لأنها هي من تصرف عليه.

وقال حسام حبيب في مداخلة هاتفية ببث مباشر مع الإعلامية بسمة وهبة عبر حسابها على Instagram: "هو أنا مشتغلتش قبل كده كنت عاطل ومش بشتغل قبل شيرين، أنا طول عمري من وقت ما اشتغلت مش باخد مليم من أهلي حتى في جوازتي أنا بعت فيلتي وعربيتي وساعاتي عشان ماخدش مليم من أهلي ولا من شيرين، أنا كنت بصرف كده ولو مشتغلتش أنا مش محتاج لشيرين ومش محتاج لحد وربنا ما يحوجني لحد ولا حتى لأهلي".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وأضاف حسام حبيب: "الناس معذورة هما سمعوا كلام مش حقيقي في وقت من الأوقات حتى شيرين بتقول حاجات في عصبيتها، هي عاملة زي الطفل في غضبها بتتنرفز وبعدها بتهدى".

نرشح لك: #شرطة_الموضة: نسرين طافش تعود لبحر الساحل بمايوه أزرق وحقيبة من Loewe سعرها 52 ألف جنيه

View this post on Instagram

A post shared by Basma Wahba (@basma_wahba)

وأكمل حسام حبيب متحدثا عن شيرين عبد الوهاب وما تتعرض له: "شيرين عبد الوهاب مفتقده كل حاجة الحنية والأهل والناس الكويسة لأن الوحشين أكتر، أقسم بالله هي مظلومة بالناس اللي حواليها، في شر لما تيجي توصفه الناس متصدقوش من كتر ما هو مش في خيالهم شر أنا مشفتوش لا في حكايات ولا روايات ولا الأديان ولا تاريخ ولا تخطيط بالشكل دا، هي دايما بتقولي أنها معندهاش غير كلمة واحدة "ليه"، الأذى جايلها من أقرب الناس ومن كل حد أحسنت له عمل لها بلاوي وكل حد أحسن لها بيطلع عنه كلام عشان يبعد".