فاجأ النجم كريم محمود عبد العزيز زوجته آن الرفاعي بمكالمة هاتفية خلال حلولها ضيفة على برنامج "هي وبس" الذي تقدمه الإعلامية رضوى الشربيني، احتفالا بإصدارها لمجموعة أزياء جديدة نسائية ورجالية"

قال كريم عبد العزيز خلال المداخلة: "أول حاجة جت على بالي لما قالت لي على خط الأزياء، إني أكيد هشجعها، لإنه بقيت بحب الست لما بتشتغل، يمكن زمان ماكنتش مدرك الحكاية دي، لكن مع الوقت بقيت حابب جدا فكرة إن الست تشتغل، وليها شغلها الخاص وتطلع أفكارها وتبدع في الشغل بتاعها، لإن أنا بحترم اللي بتشتغل عامة".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابع كريم محمود عبد العزيز حول إن كان من الممكن أن يستعين بتصاميم زوجته آن الرفاعي في أي عمل فني، قائلا: "آه طبعا، احنا بناخد رأي بعض في كل حاجة سواء شعلي أو شغلها، ودا طبيعة الحياة اللي المفروض نكون عايشين فيها، لأن مافيش فينا حد هيكدب على التاني، لأن عايزين كل واحد فينا ينجح ويكسر الدنيا".

واختتم كريم عبد العزيز المكالمة قائلا: "بحبك وإن شاء الله المشروع بتاعها يكسر الدنيا أكتر من كدة، ونوصل للعالمية".

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5