"رجعت مصر وصلاح شاهين عرف إنى رجعت فاتصل بيا وقال لي قال لي يا أخي مستنيينك تعالي هنعمل فيلم (شفيقة ومتولي)".
كانت هذه كلمات الفنان الراحل ناجي شاكر رائد فن العرائس ومصمم الملابس والديكور الكبير، التي تحدث فيها عن كواليس عمله في فيلم "شفيقة ومتولي" وتعاونه مع الفنانة سعاد حسني، التي حكاها في فيلم "النحت في الزمن - ناجي شاكر" للمخرج يوسف ناصر.
تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا
وأكمل الفنان ناجي شاكر الذي صمم عرائس أوبريت "الليلة الكبيرة" ذكرياته مع فيلم "شفيقة ومتولي" قائلا: رحت قعدت معاهم وتخيلت "شفيقة" ورسمت لها اسكتشات، وصلاح قال لي تعالى بقى أعرفك على سعاد، كنت واحد مش معروف خالص أول مرة اشتغل في السينما ومحدش يعرف عني حاجة، وقابلت سعاد حسني كانت ست لطيفة كده وبسيطة.
وواصل: بوريها الاسكتشات بصت كده وقالت لى إيه ده يا ناجي ده؟ قلت لها إيه بس زعلانة ليه؟ قالت لى عامل لي جلابية تدخل 3 سعاد حسني جواها! وكمان عامل لي شعري منكوش، قلت لها أنا عامل جلابية لشفيقة مش لسعاد حسني أنا عاوزك تبقى شفيقة مش سعاد.
واستطرد: قالت لي يعني انت شايف ده يبقى كويس؟ قلتلها نجربها، عملت لها الجلابية وباروكة منكوشة بشعر أكرت، هي كانت متعودة على اللبس الشيك اللي يليق على بنوتة جميلة، مكانتش متخيلة النقلة الكبيرة دي.
وأضاف: قلت لها هعملها نجبها، وعملت لها باروكة، وقلت لها الجلابية دي لازم تلبسيها أسبوع في البيت قبل التصوير، الممثل لازم يتفاعل مع اللبس ويتأقلم معاه.
فيلم "النحت في الزمن .. ناجي شاكر" الذي حكى فيه الفنان ناجي شاكر كواليس تحضير "جلابية" سعاد حسني في فيلم "شفيقة ومتولي"
يذكر أن الفنان ناجي شاكر حصل على جائزة المهرجان القومى للسينما عن الإشراف الفني وتصميم الديكور والملابس لفيلم "شفيقة ومتولي"، الذي قام ببطولته: سعاد حسني، وأحمد مظهر، وأحمد زكي، إخراج علي بدرخان وإنتاج عام 1979.
اقرأ أيضا:
فيديو - يسرا تبكي متأثرة بوفاة تيمور تيمور: صعب تلاقي حد بالصفات دي في حياتك كل يوم
عمرو سعد ومصطفى كامل ضمن الحضور … لقطات من حفل أحمد سعد في مراسي
أحمد حلمي وعمرو يوسف فاجآه على المسرح … لقطات من حفل عمرو دياب في الساحل الشمالي
لا يفوتك: ليه إشاعة ارتباط كريم محمود عبد العزيز ودينا الشربيني بتطلع كل شوية؟ 🤔
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5