كريم الشناوي: "إش إش" الأعلى مشاهدة مش "لام شمسية" ومحمد سامي ميعرفش يعمل اللي أنا بعمله والعكس

نهال ناصر

نهال ناصر تاريخ النشر: السبت، 17 مايو 2025 | آخر تحديث:

كريم الشناوي

تحدث المخرج كريم الشناوي عن المنافسة في موسم رمضان والأنواع الدرامية المختلفة التي تم تقديمها.

وقال كريم الشناوي خلال لقائه في برنامج "ضيفي مع": ""لام شمسية" مش أعلى مشاهدة "إش إش" الأعلى مشاهدة، بس أنا مش عايز أبقى الأعلى مشاهدة مش فارق ليا، الموضوع ليه علاقة بتعريفنا إحنا عايزين نعمل إيه، لما يبقى في مسلسل تاني أعلى مشاهدة أنا دي مش خناقتي، النوعية دي لازم تبقى موجودة في ناس بتحبها وعمري ما بشوف أن المنع حل في السوق وأستاذ محمد سامي أشطر واحد في الحتة دي، أنا معرفش أعملها زيه وهو ميعرفش يعمل اللي أنا بعمله".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

مي عمر ومحمد سامي

وتابع كريم الشناوي: "السوق لازم يبقى فيه كل حاجة ولو أنا مهتم إني أبقى الأعلى مشاهدة هاخد قرارات مختلفة، بس أنا مباخدش قراراتي إني أبقى الأعلى ممكن أبقى مهتم إني أكون الأهم وإني أعيش أطول لكن في الآخر كل حد بيرتاح في منطقة، والأصل في السوق التنوع وفي الآخر القرار عند الجمهور لو مش عايز عمل مش هيتفرج عليه فمفيش منتج هينتج تاني، والسوق السنة دي كان فيه تنوع وتغيير في الجمهور عايز إيه ودي حاجة بتتغير طول الوقت".

نرشح لك: #شرطة_الموضة: رزان جمال بفستان برجندي برقبة Halter ... سعره 423 ألف جنيه

وشارك كريم الشناوي في موسم رمضان 2025 بمسلسل "لام شمسية" وعرض في النصف الثاني من الشهر الكريم وتكون من 15 حلقة.

لام شمسية

ومسلسل "لام شمسية" من تأليف مريم نعوم وورشة سرد، وإخراج كريم الشناوى، وإنتاج شركة ميديا هب – سعدي وجوهر، وبطولة أمينة خليل، أحمد السعدنى، محمد شاهين، يسرا اللوزى، ثراء جبيل، صفاء الطوخى ياسمينا العبد والطفل علي البيلي وعدد آخر من الفنانين.