كشفت الفنانة سهير رمزي سرا عن صديقتها المذيعة بوسي شلبي وعلاقتها بالفنان محمود عبد العزيز.

وقالت سهير رمزي في مداخلة هاتفية ببرنامج "90 دقيقة" مع بسمة وهبة إن بوسي شلبي تتلقى عروضا للزواج لكنها ترفضها حبا في محمود عبد العزيز، مضيفة: "هقول حاجة ميصحش إني أقولها ومش من حقي بس مضطرة إني أقولها، بوسي شلبي بيجيلها عرسان وناس على أعلى مستوى ورافضه تماما وتقول مش ممكن أحط حد اسمه يتجاب زوجي بعد محمود عبد العزيز لا يمكن".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وأوضحت سهير رمزي أنها صديقة لمحمود عبد العزيز حتى قبل زواجه من زوجته الأولى معبره عن حزنها لما يحدث الآن، وقالت: "أنا حزينة جدا اللي الناس متعرفوش محمود عبد العزيز أنا أعرفه من قبل ما يشتغل في الوسط الفني معرفة عمر وأغلب أفلامي معاه كان بيعتبر أمي أمه وأنا أخته، وهو من أجمل الشخصيات اللي ممكن نقابلها من الرجولة والتدين، أنا حزينة أن اسمه يحصل فيه كده ليه وعشان إيه".

نرشح لك: محامي أبناء محمود عبد العزيز: علي مدار سبع سنوات لم يتواجد أي نزاع بين أبناء المرحوم وبوسي شلبي ... كيف تصمت عن حقها في الميراث؟

وتابعت سهير رمزي: "هو وبوسي شلبي جيراني كنا أنا وجوزي وهي وجوزها محمود على طول قاعدين مع بعض بنسافر سوا الساحل وبنقعد نتعشى سوا، وهو كان دمه خفيف كان بيحب "الكرشة بالدمعة" وبوسي كانت بتعملها حلوة وكان يقول "أومال أنا اتجوزت بوسي ليه"، ليه يتعمل فيها كده دلوقتي".

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5