حورية فرغلي: صفتان أشترك فيهما مع "رابونزل" والفنانين بيخافوا يشتغلوا معايا

FilFan

FilFan تاريخ النشر: الاثنين، 22 أبريل، 2024 | آخر تحديث:

حورية فرغلي

خاضت الفنانة حورية فرغلي تجربة جديدة وهي تقديم مسرحية للأطفال، وقدمت أميرة ديزني "رابونزل" في مسرحية "رابونزل بالمصري".

وقالت حورية فرغلي في تصريحات صحفية عن المسرحية: "الشغل مع الأطفال مش سهل خالص دي أول مرة اشتغل معاهم، كنت قلقانة لأني ظهرت في المسرحية بشعر أسود، هما عارفين القصة وحافظينها وكنت متخيلة هيقولولي شعرك مش أصفر زي الشخصية، وأنا مينفعش أخلي شعري أصفر مش حلو عليا ومش لايق معايا بس قلنا إن الساحرة غيرت لون شعري عشان ميبقاش السحر قوي".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

حورية فرغلي من مسرحية رابونزل بالمصري

وتابعت حورية فرغلي متحدثة عن الشخصية: "الوقوف على المسرح ليه رهبة خاصة مش زي التليفزيون والسينما، لكن أكتر حاجة شدتني في الشخصية هي البراءة، هي بتشبهني في برائتها وأنها تعرضت للظلم في حياتها".

نرشح لك: حميد الشاعري ومنى عبد الغني وخالد زكي ضمن الحضور … حنان تحتفل بزواج ابنتها

حورية فرغلي من مسرحية رابونزل بالمصري

وعن الظلم الذي تعرضت له حورية فرغلي، دافعت عن نفسها وما قيل عنها إنها تتعاطى مواد مخدرة قائلة: "أخد مخدرات ليه؟ ودا شكل واحدة بتاخد مخدرات، ولو بيقولوا كده عشان موضوع إني بشوف عفاريت في البيت، مش أنا اللي قلت ده، أنا كنت في برنامج "حبر سري" واللي بتقرأ التاروت هي اللي قالت وأنا وقتها قلت لها عرفتي منين أنا كنت فاكرة إن بيتهيألي".

وتابعت حورية فرغلي: "أنا مش بيتهيألي بنت وولد قاعدين في الصالون بشوفهم، وفي 2 سواقين اشتغلوا عندي ومشيوا وخافوا لما هما كمان شافوهم".

حورية فرغلي

وأكدت حورية فرغلي أن عدد كبير من الفنانين لا يحبون العمل معها لأنهم يخافون منها وهي لا تعرف سبب ذلك.

وكانت حورية فرغلي روجت لمسرحيتها "رابونزل بالمصري" كاتبة: "انتظروني لأول مرة على المسرح مع الأطفال قمة سعادتي وأنا أكون سبب في سعادة الأطفال".