تحدث الفنان محمد يوسف عن تحضيراته لشخصية "صهبان البلان" في مسلسل "الحشاشين" وذهابه لـ"حمام شعبي" للتدرب على الشخصية.
وقال محمد يوسف في لقاء ببرنامج "كلمة أخيرة" مع لميس الحديدي عبر قناة ON: "لما شفت الورق قفلت منه، أنا عارف الحقبة وقريتها كويس أوي من مذكرات عبد اللطيف البغدادي، سواء الشدة المستنصرية ومن أول إنشاء الدولة الفاطمية، فجأة الوجبة الدسمة دي مش ممهدين الجمهور ليها دا كان الخوف، والخوف من الشخصية والخط دا لو كان في استخفاف أو سهولة ممكن يبوظ الدنيا".
تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا
وأكمل موضحا كيف استعد للشخصية: "بدأت أفكر إيه "البلان" ده وروحت حمام شعبي في بولاق أبو العلا عشان أعرف الشغلانة عاملة إزاي، وكان ليه طريقه في الحركة منحني بسبب أنه بيمشي خايف من الوقوع في الحمام".
وتابع:"وفي نفس الوقت المخرج دكتور بيتر ميمي واثق فيا من وقت الجزء الأول من "الاختيار" ودا حمل فكرة الثقة مش عايز أغدر بيه، عايز أقدم الدور على أكمل وجه، وفكرت الشخصية دي هتعمل إيه في المسلسل، كنت خايف من تقبل الجمهور لكن الحمد لله ربنا عوض تعبي".
وعن المشاهد الصعبة في المسلسل قال محمد يوسف: "أصعب مشاهد كانت الخيل، مرة كنا في الحزام الأخضر وطلبت منه إني أجر الخيل مركبوش، وفجأة قامت معركة بين الخيول في تراب كتير والناس مش شايفانا وأنا ونيقولا معوض على الأرض ماكسين دماغنا، ومن خوفي أخدت الحصان وجريت بيه".
مسلسل "الحشاشين" بطولة: كريم عبد العزيز، وفتحى عبد الوهاب، وميرنا نور الدين، وأحمد عيد، وإسلام جمال، ونيقولا معوض، وسامى الشيخ، وميمى جمال، وعمر الشناوي، ونور إيهاب، وسوزان نجم الدين، ونور محمود، وأحمد كشك، وياسر علي ماهر، بالإضافة إلى عدد من ضيوف الشرف، تأليف عبد الرحيم كمال، وإخراج بيتر ميمى.
اقرأ أيضا:
مدير أعمال شيرين سيف النصر يكشف موعد عزائها وتفاصيل اللحظات الأخيرة في حياتها
نسخة رقمية من كريم عبد العزيز وجميع الممثلين ... تعرف على أسرار جرافيك مسلسل "الحشاشين" (فيديو)
أيتن عامر بفستان أصفر قصير في أول حفل غنائي لها
أحمد عبد الوهاب بعد مشاركته في "الحشاشين": نسيت الكلام لما وقفت قدام كريم عبد العزيز
لا يفوتك: صدقي صخر يتحدث لـ "في الفن" عن مسلسلاته في رمضان.. لماذا اتجه للكوميدية؟
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5