تحدث الفنان كريم محمود عبد العزيز عن بناته وكيف تغيرت حياته وطريقة تفكيره واختياراته للأعمال التي يقدمها.
وقال كريم محمود عبد العزيز خلال لقائه مع الإعلامي عمرو أديب في برنامج "بيج تايم بودكاست" المذاع عبر قناة MBC: "لما جات بنتي الأولانية أنا مكنتش مدرك ولا مستوعب لحد ما ابتدت تقول "بابي" وغيرت وجهة نظري حتى في الأفلام اللي بعمها والأعمال اللي بختارها، لما يكبروا ويشوفني هعمل حاجة غلط، ووسط أصحابهم محدش يقول حاجة، بقيت بحاول أعمل حاجات تبقى عائلية، بقالي فترة بسمع جملة شكرا إحنا بنقدر ندخل ونتفرج كعيلة وحسيت إني ابتديت أحقق اللي نفسي فيه".
تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا
وتحدث كريم محمود عبد العزيز عن بناته قائلا: "عندي كندة الكبيرة وخديجة الوسطانية وحبيبة آخر العنقود، دول أحلى حاجة في الدنيا".
نرشح لك: ياسر جلال يرد على عتاب ميار الببلاوي: مايصحش ومكانش العشم
ولم تصدق الفنانة أصالة التي كانت تشارك عمرو أديب في تقديم الحلقة أن لكريم محمود عبد العزيز 3 بنات، وظنت في البداية أنهن أخواته وعندما أخبرها أن لديه 3 بنات لأنه تزوج مبكرا قالت "مستحيل".
وحكى كريم محمود عبد العزيز قصة زواجه مبكرا قائلا: " أنا كنت من بدري عايز أتجوز، كنت مش عايز يبقى فيه فرق كبير بيني وبين ولادي، فكرة فرق الأجيال، أنا مريت بده مع أبويا الموبايلات طلعت متأخر بالنسبة ليه وأجي أعلمه حاجات نتعصب على بعض، لكن أنا وبناتي نتخانق على "البلاي ستيشن" عارف ألعابهم وأبقى فاهمها".
وتابع: "وأنا في إبتدائي قلت لأبويا أنا هتجوز وأنا عندي 19 سنة، ولما دخلت الجامعة كانت مراتي معايا وبينا أصدقاء مشتركين في الأول مكنش في حاجة بينا، لحد ما اتقابلنا صدفة وابتدى يبقى فيه شرارة حب، ودخلت في العشرينات وروحت قلت له إني عايز أخطب، دخلنا في حوارات كتير وطلب مني أصبر عشان العقل بيكبر وبيتغير".
يذكر أن كريم محمود عبد العزيز يشارك في الموسم الرمضاني 2024 بمسلسل "خالد نور وولده نور خالد" يتكون من 15 حلقة وعرض في النصف الثاني من شهر رمضان 2024 عبر قناة mbc مصر ومنصة "شاهد vip".
مسلسل "خالد نور وولده نور خالد" بطولة شيكو وكريم محمود عبد العزيز وآية سماحة ودنيا ماهر وشريف رمزي، تأليف أحمد عبد الوهاب وكريم سامى وإخراج محمد أمين.
اقرأ أيضا:
مسلسل "المداح أسطورة العودة" الحلقة الأخيرة - موت الشيخ صابر بعد وصوله إلى سيف جده
محمد رمضان ينشر بوسترات لفيلم "أسد أسود" من تصميم جمهوره (صور)
هالة صدقي تحكي عن أول قصة حب في حياتها: متجوزناش لاختلاف الديانات
لا يفوتك: نيقولا معوض يتحدث لـ في الفن عن مسلسل الحشاشين ودور عمر الخيام واستخدام العامية المصرية
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5