حمادة هلال يكشف كواليس "رامز جاب من الآخر": كنت عارف أنه مقلب وأن أحمد فهمي معايا

نهال ناصر

نهال ناصر تاريخ النشر: الجمعة، 5 أبريل، 2024 | آخر تحديث:

حمادة هلال ورامز جلال

كشف الفنان حمادة هلال كواليس مشاركته في برنامج "رامز جاب من الآخر" في حلقه جمعته بالفنان أحمد فهمي.

وقال حمادة هلال خلال لقائه في برنامج "الراديو بيضحك" من تقديم فاطمة مصطفى عبر إذاعة "الراديو 9090": "روحت البرنامج قبلها بـ8 ساعات، جالي تليفون لازم تسافر لدبي هتروح لرامز جلال، عجبني فكرة البرنامج أنه خلاص رايح أقابل رامز وعارف أنه مش هيسيبنى، وهناك فعلا مش بيقولوا إيه المقلب، لكن عرفت أن أحمد فهمي هيكون معايا عشان منبقاش كدابين".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

حمادة هلال في رامز جاب من الآخر

وتابع حمادة هلال: "انا مفيش مشكلة بيني وبين أحمد فهمي، فكانت حلقة مختلفة وآخر حلقة اتصورت، لما شفت الكلب اتخضيت بس أنا مخفتش منه فجأة لقيتني وقفت، لأن إحنا كان عندنا في "المداح" كلب شبه وبقيت بسأل دا إيه اللي جابه هنا هو دا المقلب، حتى السير اتحرك ووقعني، كانت حلقة حلوة وانبسطت وكنت في فترة ضغوط تصوير "المداح" لكن الحلقة فرحتني، اتمرمطنا جامد ونزلنا في مايه متلجة، وأخدت ضربه جامده في راسي".

نرشح لك: حمادة هلال يكشف سبب رفضه الظهور بشخصية "صابر المداح" في مسلسل "العتاولة"

حمادة هلال ورامز جلال في رامز جاب من الآخر

واختتم حمادة هلال حديثه قائلا: "رامز أروح له في أي حته، طالما البرنامج إحنا مش بنمثل على الناس بتبقى المصداقية بتاعته عالية، أنا روحت لـ "رامز قرش البحر" مكنتش اعرف أنه رامز وانفعلت في آخر الحلقة انفعال عمري ما حصل في حياتي كانت لحظة صعبة، وبرامج رامز معظمها الناس متعرفش".

حمادة هلال في برنامج الراديو بيضحك

يذكر أن حمادة هلال ينافس فير مضان 2024 بمسلسل "المداح: أسطورة العودة".

ومسلسل "المداح: أسطورة العودة" بطولة حمادة هلال، فتحي عبد الوهاب، هبة مجدي، ودنيا عبد العزيز، وخالد سرحان، ومحمد عز، وحنان سليمان، وتامر شلتوت، وصبحي خليل، مع ظهور خاص لبعض النجوم مثل سهر الصايغ، ومي سليم، ودياب، وحمزة العيلي، والمسلسل تأليف أمين جمال، وليد أبو المجد، شريف يسري، وإخراج أحمد سمير فرج، وإنتاج سيدرز آرت برودكشن (صباح إخوان)، ومنتج منفذ شركة أجورا ميديا للإنتاج.