كشف الإعلامي المصري، عبد الناصر زيدان، تفاصيل إصابته بكسر مضاعف في الكتف خلال حلقته مع الناقد الرياضي أبو المعاطي زكي في برنامج رامز جاب من الآخر.
وقال عبد الناصر في تصريحات لـEt بالعربي: "بدأ الإلتئام ببطئ لكن هفضل للأسف معلق ذراعي لمدة 3 أشهر وكل 10 أيام بعمل أشعة فالكسر مش كويس وسخيف ومضايقني على المستوى الإنساني والشخصي".
تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا
وأضاف عبد الناصر زيدان: "خليني أفصل ما بين إدارة الـmbc واللي اتفقوا معي من المصريين، فالمصريين لم يكونوا على قدر من المسئولية والاحترام اللي بقدرهم بيه فأنا زعلان جدا لعدم السؤال سواء من رامز أو من مهيب عبد الهادي لأنني رايح أعمل حوار مش عشان أتكسر وأعيش بعاهة".
وتابع: "عدم السؤال عليها في المستشفى في دبي أو لما نزلت مصر كان بالنسبة لي شيء محبط ومش محترم وكان في اتفاق على 100 ألف جنيه مقابل حوار عادي مش مقلب، وبعد ما حصل اللي حصل، مكانوش مصدقين إنني اتكسرت، حصلت مشكلة وسابوني في اللوكيشن ومشيوا، ولولا إنني عليت صوتي مكنوش رجعوا وودوني المستشفى، وبقوا عايزين يرضوني بأي طريقة وتاني يوم جم الفندق وأدوني 35 ألف درهم على أساس إن الأمور بسيطة واكتشفت لما جيت مصر إنه كسر كبير جدا ويستوجب 6 شهور تعليق ذراعي وإجراء عملية ربما تكون خارج مصر ودة متقاليش في دبي".
وأنهى عبد الناصر زيدان حديثه: "في النهاية كله يتحمل نتيجة مسئولياته وأنا حقي مش هسيبه لأن في محامين تولوا الأمر لأن الموضوع مش فلوس أكتر ما إنه تقدير. وأنا أعتز بـ MBC ومعنديش اعتراض على عرض الحلقة لكن التجاهل والسؤال هيكلفهم كتير معايا".
يذكر أن عبد الناصر زيدان وأيو المعاطي زكي قد ظهرا معا في حلقة يوم الأحد مع رامز جلال ببرنامج "رامز جاب من الآخر".
اقرأ أيضا:
خاص - نيقولا معوض: هذه "الميمز" التي نجحت في إضحاكي عن "عمر الخيام"
بالفيديو - محمد رمضان ينفعل على مدير أحد الفنادق: ليه عايز تقفل الصوت؟
لا يفوتك: نيقولا معوض يتحدث لـ في الفن عن مسلسل الحشاشين ودور عمر الخيام واستخدام العامية المصرية
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5