مي سليم تحكي عن موقف غريب في كواليس "المداح: أسطورة العودة": الجاكيت ولع في أول يوم تصوير

نهال ناصر

نهال ناصر تاريخ النشر: الثلاثاء، 26 مارس، 2024 | آخر تحديث:

مي سليم

روت الفنانة مي سليم موقفا غريبا تعرضت له في كواليس مسلسل "المداح: أسطورة العودة" حعلها تشعر بالخوف والقلق.

وخلال لقائها في برنامج "نجوم رمضان أقربلك" من تقديم إنجي علي عبر إذاعة وقناة "نجوم FM" حكت مي سليم عن كواليس مسلسل "المدح: أسطورة العودة" قائلة: "أول ما روحت تصوير "المداح" قولتلهم أنا بسمع إن عندكم عفاريت وبجد بيحصلكم حاجة قالولي متخافيش دي حاجات بسيطة، بعدها كنت بصور مشهد مع فتحي عبد الوهاب والولد اللي بيشتغل معايا ماسك الحاجات بتاعتي والجاكيت، الجاكيت ولع".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

مي سليم وفتحي عبد الوهاب من كواليس المداح

وتابعت مي سليم: "الأوضة اللي كنا فيها كان فيها شمع سألت الولد إنت جيت ناحية الشمع قالي والله أنا واخد الجاكيت في حضني مجتش ناحيتها، خرجت لأستاذ أحمد سمير فرج سألته إيه دا أنا لسه تاني يوم تصوير".

نرشح لك: مي عمر: في فنانة بتدفع فلوس عشان تخلي الناس تهاجمني

وأكملت الحكاية: "الولد اللي كان بيعملي شعري السيشوار فرقع، كل مرة أروح للوكيشن بقرأ كل الآيات القرآنية اللي حفظاها وبشغل قرآن في الكرفان".

مي سليم من مسلسل المداح

وعن أكثر ما يخيفها في الحياة قالت مي سليم: "بخاف أحتاج لحد ومحسش بالأمان، أو أن بنتي في يوم من الأيام تحتاج لحاجة ومقدرش أحققها لها، يجي يوم من الأيام أطلب من حد يساعدني عشان مش قادرة لأن دا حصل لكتير من الفنانين".

مي سليم

ومسلسل "المداح: أسطورة العودة" بطولة حمادة هلال، فتحي عبد الوهاب، هبة مجدي، ودنيا عبد العزيز، وخالد سرحان، ومحمد عز، وحنان سليمان، وتامر شلتوت، وصبحي خليل، مع ظهور خاص لبعض النجوم مثل سهر الصايغ، ومي سليم، ودياب، وحمزة العيلي، والمسلسل تأليف أمين جمال، وليد أبو المجد، شريف يسري، وإخراج أحمد سمير فرج، وإنتاج سيدرز آرت برودكشن (صباح إخوان)، ومنتج منفذ شركة أجورا ميديا للإنتاج.