ناهد السباعي: مقدرش أقدم شخصية جدتي هدى سلطان في عمل فني وأرشح دنيا سمير غانم

نهال ناصر

نهال ناصر تاريخ النشر: الجمعة، 22 مارس، 2024 | آخر تحديث:

ناهد السباعي وهدى سلطان ودنيا سمير غانم

رشحت الفنانة ناهد السباعي الفنانة دنيا سمير غانم لتقديم دور جدتها الفنانة الراحلة هدى سلطان ما أن تم تنفيذ عمل عن قصة حياتها.

وأكدت ناهد السباعي خلال لقائها في برنامج "نجوم رمضان أقربلك" من تقديم إنجي علي عبر إذاعة وقناة "نجوم FM" إنها لا تصلح لتقديم قصة حياة جدتها قائلة: "أنا سمراء وجدتي بيضاء وشعرها أصفر، مش هينفع أنا كان نفسي لو كنت شبهها لكن ولا حتى الروح، حرام أبوظ تاريخ العيلة، أنا ممكن أساعد في التأليف".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

ناهد السباعي

وتابعت ناهد السباعي: "مرة سألوني مين ممكن تعمل دور جدتك قلت أن أكتر واحدة دلوقتي تبقى مغنية وممثلة وتكون محبوبة هي دنيا سمير غانم، هي بتحب تقلد ومن أكتر الناس اللي نفسي أشوفهم بيعملوا دور جدتي، لكن جدي لأ لحد دلوقتي مفيش حد شبهه".

نرشح لك: تامر حسني ودرة وأصالة وأحمد زاهر وبناته … النجوم يجتمعون في إفطار مي عمر ومحمد سامي

دنيا سمير غانم

وأكملت ناهد السباعي: "ماما لما حاولت تعمل قصة فريد شوقي وهدى سلطان نجوم كتير قالوا لأ ونخاف نعمل كده، قصة حبهم كانت حلوة وماما كانت عايزة تقدم القصة دي".

هدى سلطان وفريد شوقي

وأضافت: جدي وجدتي احترموا شغلهم وكانوا بيقدموا فن وثقافة وبيغيروا سلوك مجتمع وبيغيروا قوانين وبيطلعوا قوانين جديدة وأنا بحس إن دي حاجات في ميزان حسناتهم، جدي في فيلم "كلمة شرف" غير قانون أن السجين يقدر يخرج ياخد عزاء حد من أهله، اعتقد أي حد مسجون بيقدر يخرج ياخد عزاء والده أو والدته دا ثواب لجدي".

يذكر أن ناهد السباعي تشارك في رمضان 2024 بمسلسل "محارب".

مسلسل "محارب" من بطولة حسن الرداد وأحمد زاهر وناهد السباعي وماجد المصري ونرمين الفقي وتامر عبد المنعم ومحمود ياسين جونيور، تأليف محمد سيد بشير وإخراج شيرين عادل وإنتاج أحمد السبكي.