سلمى أبو ضيف تغني مهرجان "أعلى نسبة مشاهدة"

أحمد حتحوت

أحمد حتحوت تاريخ النشر: الأربعاء، 20 مارس، 2024 | آخر تحديث:

سلمى أبو ضيف

دخلت الفنانة سلمى أبو ضيف عالم المهرجانات بأغنية "أعلى نسبة مشاهدة" في الحلقة 10 من المسلسل الذي يحمل نفس الاسم.

تضطر سلمى أبو ضيف لتصوير كليب "أعلى نسبة مشاهدة" مع مؤديين مهرجانات بسبب العقد الذي مضته مع "فوكس".

ويحقق كليب الأغنية ضجة في الحلقة 11 عندما يطلق ويتصدر التريند على مواقع التواصل الاجتماي، ما يلحق بالضرر لسمعة "شيماء" (سلمى أبو ضيف) عندما يشاهده والدها في العمل وتستغله شقيقتها "نسمة" (ليلى أحمد زاهر) لابتزازها.

كلمات "أعلى نسبة مشاهدة":

أعلى نسبة مشاهدة
من زمان وأخوك الوجهة
حتى لوحدي أعلى ماركة
اكسلوسيف مفاجأة
لعب على كبير
هاشتاج مشاهير
كله فيك وأنا ريل
Get ready with me

احنا نجوم السوشيال ميديا
واسأل علينا هاشتاج وصلنا
محتوى في الجون
view ملايين
سيبكم احنا اللي مكملين

كلام كبار مانتوش قدوا
أخويا في كتفي واحنا بتحاولوا
مافيش كاريزما، لسة بتقاوحوا

عالتيك توك أنا هنا التوب
حب الناس دة أحلى حب
بس في ناس بدأت تنؤ
والحربوقة بدأت تلوك
يا زميلي أنا مش بإيدي
إن الكاش رايح لإيدي
إوعى تبص تلاقي رصيدي
كله من رزقي ومن نصيبي

أعلى نسبة مشاهدة
أعلى نسبة مشاهدة
أعلى نسبة مشاهدة

عالموضة أنا في الشياكة
دايما لايقة أنا في كل حاجة
ركبوا الموضة وقلدوني
أه أنا قد أي حاجة

اكسبلور دلوقتي (إيه دة إيه دة إيه دة)
أنا تريند الحقني (إيه دة إيه دة إيه دة)
في كتير غاروا مني (إيه دة إيه دة إيه دة)
وأنا ولا يشغلني

الأغنية تعرض كاملا في الحلقة 11 المتاحة حاليا على منصة شاهد.

مسلسل "أعلى نسبة مشاهدة" بطولة سلمى أبو ضيف، ليلى أحمد زاهر، فرح يوسف، جلا هشام، إنتصار، محمد محمود، أحمد فهيم، إسلام إبراهيم، وآخرين، والعمل من تأليف سمر طاهر، وإخراج ياسمين أحمد كامل.