عمرو سلامة: فكرت في الاعتزال بعد مسلسل "طايع" … المخرج المنفذ أتوفى وأنا بكلمه في التليفون

نهال ناصر

نهال ناصر تاريخ النشر: الجمعة، 9 فبراير، 2024 | آخر تحديث:

عمرو سلامة ومسلسل طايع

كشف المخرج عمرو سلامة أنه فكر كثيرا في الاعتزال خاصة وقت تصوير مسلسل "طايع" عام 2018 بسبب أحداث مر بها منها وفاة المخرج المنفذ روبير طلعت.

وقال عمرو سلامة خلال لقائه في برنامج "أسرار النجوم" من تقديم الإعلامية إنجي علي عبر إذاعة وقناة "نجوم FM": "أنا لحد دلوقتي مشفتش "طايع" من وقت ما خلصت تصويره لما بفتحه بفتكر حاجات حصلت، جالي صدمة نفسية كبيرة بعد وفاة المخرج المنفذ وصديقي روبير طلعت وقت التصوير، دا كان موقف خلاني أحس إني مش عايز اشتغل الشغلانة دي تاني، روبير طلعت توفى معايا وأنا بكلمه على التليفون".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

عمرو سلامة وإنجي علي من برنامج "أسرار النجوم"

وتابع عمرو سلامة ليحكي ما حدث: "كنا المفروض نسافر نصور برا وأنا مسافرتش، وهما راجعين كان لازم هو يستنى يوم زيادة، كلمني في يوم وكان صوته غريب وتعبان، فضلت معاه على التليفون لمدة ساعة لحد ما الممرضة أخدت التليفون وقالت لي إنه توفى وانا اضطريت أقول الخبر لأهله ولزوجته، ودا كان قبل رمضان بـ4 أيام ولازم أكمل تصوير المسلسل، دا كله بسبب الضغط العصبي بتاع الشغل".

نرشح لك: زينة تكشف سر إبعاد أولادها عن السوشيال ميديا: ابني ذراعه اتكسر بعد زيارة الهلال الأحمر

عمرو سلامة كشف إنه فكر في الاعتزال كثيرا

وأكمل: "من وقتها متجاوزتش الصدمة ومش عايز أعمل أي مسلسل لرمضان، بعد المسلسل سافرت برا قعدت 12 يوم في كوريا أفكر أنا عايز أعمل إيه في حياتي، أنا والدي توفى قبل المسلسل على طول، وبعده دكتور أحمد خالد توفيق اللي بعتبره أبويا الروحي وكنت بصور ومقدرتش أحضر الجنازة وبعده المخرج المنفذ، المسلسل ده بالنسبة ليا فترة صعبة في حياتي".

عمرو سلامة حكى عن كواليس مسلسل "طايع" عام 2018

وأوضح عمرو سلامة أنه فكر في فترة من حياته في تغيير مهنته قائلا: "في لحظات من كتر الضغط العصبي فركت في مهن تانية وبدأت أدرسها، سافرت برا ودرست تصميم الأحذية لأني بحب الجزم وبحس أن فيها فن، وفي فترة فكرت اشتغل مدرب كلاب، وأنا شخص مش بخاف أني أدخل في مساحات برا مساحة الراحة بتاعتي".

ومسلسل "طايع" عرض في رمضان 2018، وشارك في بطولته عمرو يوسف، عمرو عبد الجليل، صبا مبارك، سهير المرشدي، أحمد ‏عبد الله محمود، سلوى محمد علي، مي الغيطي، علي قاسم، تأليف محمد وخالد وشيرين دياب، ‏وإخراج عمرو سلامة‎.‎‏

بوستر مسلسل "طايع"

يذكر أن آخر أعمال عمرو سلامة كان فيلم "شماريخ" بطولة آسر ياسين، أمينة خليل، خالد الصاوي، محمد ثروت، سالي حماد، آدم الشرقاوي، مصطفى درويش، وعدد من النجوم ضيوف شرف، ومن تأليف وإخراج عمرو سلامة.