كشفت المطربة جنات عن رأيها في حفلات موسم الرياض وعن سبب عدم إحيائها لحفلات هناك
قالت جنات خلال لقائها مع الإعلامية جيهان عبدالله في برنامج "أجمد 7" المذاع على نجوم اف أم "حفلات موسم الرياض على مستوى عالي جدا وانا مستمتعة باللي بيحصل من حفلات وإمكانيات متاحة لكل الفنانين"
تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا
وتابعت "انا كنت من الاوائل اللي اطلبوا في الحفلات هناك سواءً في جدة أو الرياض بس معرفش ليه ولا حفلة بتظبط يعني مدير اعمالي بيديني مواعيد ودة من زمان وتيجي الحفلة قبلها باسبوع وتتلغي ومعرفش ليه والموضوع اتكرر كتير اوي لدرجة أن دلوقتي لما بيقولي على أي معاد في الرياض بعرف أنه مش هيكمل والتنظيم قبل الحفلة مبيعلنوش عنها وباذن الله حاجة تظبط قريب لكن لغاية دلوقتي محصلش"
وعن تكريم الفنانين في موسم الرياض قالت "تكريم الفنانين الكبار وهما في حياتهم وبصحتهم اكتر حاجة مأثرة فيا وانا كان نفسي صلاح الشرنوبي يتكرم وانا طول عمري معجبة بيه وبتاريخه والحمدالله اتعمله حفلة وكانت رائعة"
كانت جنات قد تحدثت عن أغنيتها "الشمخ الجواني" موضحة أنها أخذت هذه الكلمة من الفيلم الشهير "الكيف" لمحمود عبد العزيز ويحيى الفخراني وإنتاج عام 1985.
نرشح لك: سلافة معمار ترد على اتهامات خضوعها لعملية تجميل وتغيير شكلها في "الخائن"
وقالت جنات "كلمة الشمخ الجواني أخدها الشاعر مصطفى حسن من فيلم قديم للفنان محمود عبد العزيز فيلم "الكيف" الإفيه دا كان مشهور وقتها وقعد لفترة طويلة ومعناه إنه من أعماق الإحساس".
وتابعت جنات: "ناس كتير عارفة الفيلم وفاهمين الكلمة وناس كتير فهموها من الأغنية نفسها، أنا بصراحة أول مرة اسمع الكلمة لكن جوزي مثلا عارفها وأول ما سمعها قالي الشمخ الجواني بتاعة "الكيف"، أنا مش عارفاها لكن فهمتها من الجملة كاملة في الأغنية".
وأكملت جنات: "إحنا بندور على الحاجات الجديدة وبحيي فريق عمل الأغنية لأنها أغنية حلوة وأظن أنها من الأغاني اللي بتعيش والأغنية دي فيها فن راقي".
وأوضحت جنات أنها فضلت أن تصور الأغنية بشكل مختلف قائلة: "صورت الأغنية بشكل مختلف لأني محتاجة أجدد وأغير شوية من شكلي، أنا بحب الشكل الرومانسي اللي الناس حبيتني فيه لكن مش معقول لما انزل أغنية مختلفة الناس تهاجمني".
وأغنية "الشمخ الجواني" كلمات مصطفى حسن، وألحان مصطفى العسال، وتوزيع عمرو الخضري، والكليب من إخراج كامبا.
اقرأ أيضا:
نيللي كريم ترد على انتقادات "روز وليلى": كوميديا خفيفة مش ناس كتير بتعمله
جنات: أغنية "الشمخ الجواني" مأخوذة من فيلم "الكيف"
محمد الحلو: عيلتي أصواتهم حلوة لكن "لدغ" في الـ28 حرف وعبد الوهاب طردني في أول لقاء
إنجي علي تكشف عن خضوع خالد الصاوي لعملية جراحية في الفم
لايفوتك: #شرطة_الموضة: أجمل إطلالات النجمات في Joy Awards ... وأسوأ الإطلالات
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5