كشف الإعلامي باسم يوسف عن تفاصيل مكالمة لا ينساها مع الزعيم عادل إمام.
ونشر "باسم" مقطع فيديو عبر حسابه الرسمي على "إنستجرام" واستعاد خلاله موقف طريف مع الزعيم عادل إمام، وقال فيه: "بمناسبة تكريم الزعيم عادل إمام في مهرجان جوي أواردز وبمناسبة برضه خبر اعتزاله الفن عندي قصة صغيرة عايز أحكيها مع الأستاذ عادل إمام".
تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا
وقال: "أنا أول مرة قابلت الأستاذ عادل إمام كان لما كنت كسبت بمسابقة الأكثر تأثيرًا في 2012 وكنت ساعتها في cbc وعملولي حفلة وكان في ناس كتير وقابلت أستاذ عادل وكان لطيف جدًا وقابلت كمان سمير غانم الله يرحمه وكانت ليلة جميلة جدًا"، مشيرا إلى أن "الزعيم" كان حاضرا مع الفنان الراحل سمير غانم".
وأضاف أنه تبادل رقم هاتفه مع عادل إمام، وكانت أمسية لطيفة، مشيرا إلى أن "الزعيم" هاتفه عندما فوجئ بتوقف عرض برنامجه وقال: "وفجأة لقيت تليفونى بيرن أستاذ عادل إمام قالي إيه يا باسم اللي بيحصل ده ولقيته بيزعقلي وقالي البرنامج فين؟ الحلقة ما تذاعتش، قلت له والله أنا سلمت الحلقة وهو كان متضايق إن البرنامج إزاي مايتذعش وبعدها عرفت إن الحلقة اتمنعت والبيان اللي طلع وبعدها لقيت أخويا بيكلمني قولتله بقولك إيه عادل إمام لسه مهزقني أنا مش ناقص، ونسينا البرنامج وقعدنا أنا وأخويا نتكلم على مكالمة عادل إمام".
وانهي حديثه موجهًا التحية للزعيم عادل إمام: "أستاذ عادل ربنا يكرمك ويطول في عمرك ويديك الصحة أنت كنت جزء كبير من تاريخ مصر وبسبب أفلامك ناس كتير عارفين مصر من خلالك أنت ممكن تختلف مع عادل إمام تحب فنه متحبوش لكن هو تاريخ وأنت ممكن تحب التاريخ وتكره التاريخ وهفضل طول عمري فاكر المكالمة دي والتهزيقة دي اللي اتعملت بحب طبعًا".
اقرأ أيضا:
فاطمة كشري: جوزي ضربني بسبب التمثيل وفنانة كبيرة دافعت عني بعد تطاول مساعد مخرج علي
لأول مرة .. إلهام صفي الدين مع خالتها إلهام شاهين في "الحب كله"
حكاية الفستان الذي أنقذ الموقف وحضرت به ياسمين رئيس حفل Joy Awards
حسن يوسف يكشف حقيقة اعتزاله الفن بعد وفاة نجله غرقا
#شرطة_الموضة: أجمل إطلالات النجمات في Joy Awards ... وأسوأ الإطلالات
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5