ريهام سعيد تكشف ما تعرضت له على يد طبيب تجميل: بقيت عايشة شيطان بعد ما شوهتني

مروة لبيب

مروة لبيب تاريخ النشر: الأربعاء، 24 يناير، 2024 | آخر تحديث: الأربعاء، 24 يناير، 2024

ريهام سعيد

كشفت الإعلامية ريهام سعيد تفاصيل ما حدث لها على يد طبيب التجميل اللبناني نادر صعب.

وفي مقطع فيديو حرصت من خلاله ريهام سعيد على الظهور دون فلتر أو ماكياج لتكشف تفاصيل ما حدث لها في عملية التجميل التي تتعالج على إثرها منذ 3 أشهر.

وقالت ريهام سعيد "أنا طلعت النهاردة من غير فلتر ولا ماكياج علشان أوريكوا العملية اللي الدكتور بيقول إنه راضي عن نتيجتها".

ريهام سعيد

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وأضافت ريهام سعيد " أصالة عملت تجميل وطالعة زي القمر وغيرها من الفنانات ومأعلنوش وعارفين أنهم هما بس أصغر، هل دا شكلي؟ هل الطبيب دا مغيرش هويتي أنا علشان أخرج من مطار بيروت احتجت وثيقة تثبت إن أنا اللي في الباسبور لأنه غير شكلي دي أكبر جريمة إنك تخليني أبص في المرايا معرفش نفسي".

ريهام سعيد

وتابعت ريهام سعيد " الدكتور بعد ما العملية باظت عمل فيلر في وشي على الحفر التي ظهرت بعد العملية الفاشلة في وشي بعد ما بوظلي شكلي، وعملي خطوط زي الشيطان، وعمل لي خياطة تحت العين ودي جريمة، وحاجبي زي الشيطان عشان كده عملت تاتوه ومسحت الحاجب وعدلته، عندي صور كتير بعتهاله وأقوله الورم دا حرقتني، وعيني متشعلقة فوق وجعاني عايزاها تنزل كدا تعباني".

ريهام سعيد

واختتمت ريهام سعيد " انتقادكوا لينا المستمر هو السبب اللي بيخلينا عايزين نظهر بأحسن صورة، بعد التجربة دي اتعلمت إن الواحد يرضى بشكله".

واستعرضت ريهام سعيد وجهها:" هل دا وش ممثلة لو فكرت امثل، أنا مشوهه، بقالي شهرين بتعالج وهسافر اتعالج، وهخضع لعملية نتيجة تليفات كثيرة في وجهي، الدكتور حرقني جوه العملية نتيجة عملية فاشلة، ومش بتكلم بقالي 11 شهر".

وكانت الإعلامية ريهام سعيد قد اتهمت طبيب تجميل لبناني شهير بتشوية وجهها بعد خطؤه في عملية التجميل التي أجراها.

وعبر حسابها على انستجرام، نشرت ريهام سعيد صورتها قبل وبعد عملية التجميل في وجهها وكتبت "يعني انت مجرم لدرجه انك شوهتني و عرفت انك موت ناس قبلي و بتحط صوره لواحده مش انا خالص و تقول انها انا .. انا كنت زي القمر قبل ما اجي للك حد عمره شافني شكلي كده، عارف انت لازم تبطل اذيه للناس لازم انا بحذر كل الناس منه.. انا هاطلع لايف من غير فلتر اوري الناس انت عملت ايه، رايح العراق.. بعد ما انفضحت في لبنام تبوظ الناس هناك ؟

وأضافت ريهام سعيد "يعني وصل بيك الاجرام انك تشوهني و تموت 2 ستات قبلي و تحط صوره لواحده مختلفه و تقول انها انا ؟ ده انا كنت زي القمر قبل ما اجيبلك مين الست الي انت حاطتها دي ؟ والدتك ؟ عارف ؟ انا هارفع عليك قضيه و هابطللك طب عشان انت بتاذي ناس كتير اوي انت تبعد حاجه عن انك تكون دكتور، انت وقعت غلط خالص.

واختتمت ريهام سعيد "انا بحذر الناس كلها من التعامل معاه بجد كل انا بروح لدكتور نغيب عشان بوظ لي وشي و انا بداري بالمكياج لا انا هتطلع لايف اوريهم انت عملت ايه ؟ حاطت اي صوره فيك لواحده تانيه و بتقول انها انا ؟؟؟؟؟ انت معمول من ايه ؟ يا جماعه اوعوا حد يتعامل معاه اوعوا. بوظ الناس في لبنان رايح اربيل يبوظ الباقي".

وكانت ريهام سعيد تعاقدت مع قناة "هي" في نوفمبر الماضي، لتقديم برنامج "صبايا" بعد فسخ تعاقدها مع قناة "الشمس".

وكانت ريهام سعيد شاركت الجمهور بمنشور عبر Facebook أعلنت فيه اعتذارها لقناة الشمس بسبب مرورها بأزمة صحية واتخاذها جميع الإجراءات القانونية لفسخ العقد.