رد مطرب المهرجانات حمو بيكا على منتقدي عقيقة ابنته "تاج" الذي أقامه خلال الأيام الماضية في إحدى قاعات الأفراح.
وتحدث حمو بيكا، في بث مباشر نشره عبر حسابه على Faceboo عن معاناته قبل الشهرة قائلا: "سيبوا الملك للمالك، والكلمتين دول للقريب قبل الغريب، أنا طالع من منطقة شعبية اسمها الدخيلة من أسرة متكونة من أربع إخوات والأب والأم وكنا قاعدين في أوضة وصالة والحمام جوه المطبخ".
وأضاف: "أبويا على باب الله بيسافر ويتغرب ويشقى علشان اللقمة اللي بناكلها بالحلال وأنا ما دخلتش مدرسة وما اتعلمتش لكن اشتغلت وشقيت واتغربت كتير وأنا صغير، وعمري ما مديت إيدي على حاجة مش بتاعتي وكنت بقول يا رب أكرمني وأبقى حاجة لأهلي".
وذكر حمو بيكا: "ربنا لما بيكرم بني آدم ويرزقه مش من فراغ، وأنا متولدتش في بقي معلقة دهب وكنت بحب الخير لكل الناس ولحد الوقت ده.
وتابع: "اتقال إن السبوع اتصرف عليه ملايين وعربية بـ 10 مليون دولار، إزاي دي العربية كانت مخلعة والكلام ده مش حقيقي روحوا واسألوا على القاعة بنفسكم، وكل اللي حضروا معلمين ونجوم بيحبوا بيكا، والدنيا كلها بتعمل كده، وأكبر من كده بكتير ولا علشان أنا حمو بيكا".
تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا
وواصل حمو بيكا حديثه قائلا: "في إيه يا جماعة من وقت السبوع لحد دلوقتي كنت في مشاكل شخصية من الحسد، وده مذكور في القرآن، والحمد لله عديت وبنتي الأميرة تاج في حضني وربنا يخليها ليا ولما ربنا يديني هعملها أكتر من كده، علشان أنت بذات نفسك بتشتغل علشان عيالك وتتمنى تجيب لعيالك نجمة من السما".
وتطرق حمو بيكا للحديث عن صوره قبل الشهرة، قائلا: "الصور دي تاج هشليها على راسي لحد وفاتي، وكنت راجل شقيان وتعبان وبدأت رحلتي وقلت أجرب اشتغلت وغنيت وجت معايا والناس حبتني لأن دمي خفيف، وأنتم اللي حكموتوا عليا أني دمي خفيف".
واحتفل مؤدي المهرجانات حمو بيكا بحفل "سبوع" ابنته «تاج» بإحدى قاعات الأفراح.
وحرص عدد من مطربي المهرجانات على الاحتفال مع حمو بيكا، منهم: عماد بعرور ونور التوت والمطرب الشعبي عبدالباسط حمودة وطارق الشيخ.
اقرأ أيضا:
من بينهم كريم فهمي وعمرو سلامة ويوسف الشريف … النجوم يحتفلون بفوز الأهلي
الصور الأولى من حفل زفاف أسماء أبو اليزيد بحضور تامر فرج و جيلان علاء
ميرهان حسين بالعباءة السوداء وغطاء الرأس في أحدث جلسة تصوير
ميريام فارس تحتفل بعيد ميلاد ابنها ديف الثالث (صور)
لا يفوتك: #شرطة_الموضة: أجمل وأسوأ إطلالات النجمات في ختام مهرجان البحر الأحمر الدولي 2023
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5