تحدث المخرج عمرو سلامة عن علاقته بالفنان الراحل مصطفى درويش، خاصة أنه رحل قبل أن ينتهي من تصوير جميع مشاهده في فيلم "شماريخ".
أوضح سلامة، في حواره مع الإعلامية منى الشاذلي ببرنامج "معكم" على قناة ON، أن درويش كتب له تعليقاً على أحد منشوراته على فيس بوك قبل رحيله بساعتين، لذلك حين علم بنبأ الوفاة لم يستوعب الأمر في البداية، قائلا: "الموضوع كان مربك جدا".
تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا
أضاف: "أول مرة نتعرف على بعض كان في فيلم شماريخ، وهو جه الفيلم بترشيح من آسر ياسين.. لما دخلنا التصوير كان عاجبني أوي كيميا آسر مع مصطفى، ولما توفى قعدت حوالي أسبوعين على ما سمحت لنفسي أفكر هعمل ايه في الفيلم لأنه مات قبل ما يخلص تصوير دوره".
تابع: "عشان أحل مشكلة غيابه في الفيلم غيّرت في مشاهد ككتابة، وكان في مشاهد متصورتش وعاملة أزمة كبير في الفيلم فحليناها بحيل مونتاجية.. عشان أحل المشكلة بسهولة كان ممكن أحذف بعض مشاهده، بس أنا مرضتش أشيل أي لقطة ليه، عشان يفضل أكتر وقت على الشاشة تكريماً ليه".
نرشح لك - من يسرا إلى صدقي صخر .. 5 فنانين دعموا فلسطين في مهرجان البحر الأحمر السينمائي
واصل عمرو سلامة: "وفاته كانت مرعبة تهزك جامد جدا، خاصة إن مصطفى صغير في السن، قدي أنا وآسر تقريبا.. وكمية المفاجات اللي عرفناها بعد وفاته كانت رهيبة مفيش حد اتفاجئنا بكمية الخير اللي عمله قد مصطفى.. كان محافظ على الجانب ده ومبيتكلمش عليه".
من جانبه، قال آسر ياسين إنه تعرّف على الفنان الراحل في مسلسل "بـ 100 وس"، مضيفاً: "على ما خلصنا تصوير المسلسل كنا بقينا أصحاب وبقينا نسأل على بعض وتوطدت علاقتنا جدا.. وفعلا قعداتنا كانت بتبقى قعدات أخوية جدا، هو ابن بلد وجدع جدا الله يرحمه.
اقرأ أيضا:
درة في مقدمة الحاضرين ... بدء توافد النجوم على حفل ختام مهرجان البحر الأحمر السينمائي
أحمد مكي يعود للسينما بعد غياب 10 سنوات بالتعاون مع إسعاد يونس
لا يفوتك: #شرطة_الموضة: أجمل وأسوأ إطلالات النجمات في افتتاح مهرجان البحر الأحمر الدولي 2023
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5