أحمد حلمي يحكي ذكريات أول لقاء له مع أحمد زكي وعادل إمام

نادين يوسف

نادين يوسف تاريخ النشر: الجمعة، 17 نوفمبر، 2023 | آخر تحديث: الجمعة، 17 نوفمبر، 2023

أحمد حلمي

روى الفنان أحمد حلمي ذكريات أول لقاء جمعه مع النجم الراحل أحمد زكي خلال لقائه مع الإعلامي محمود سعد في برنامج "سولد أوت" المذاع على CBC و watch it.

قال أحمد حلمي "أول مرة شوف أحمد زكي كنت مساعد مخرج في برنامج وكنا رايحين نغطي مهرجان الإسكندرية ونزلت اشوف أحمد زكي علشان نصور معاه وسألته عن مشهد ليه في فيلم زوجة رجل مهم وتفاصيل مشاهد ليه في عدد من افلامه"

أحمد حلمي

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

كما حكى أحمد حلمي عن موقف جمعه مع عادل إمام في أول لقاء حيث قال "أول مرة شوفت عادل إمام كان في العرض الخاص لفيلم "لية خلتني احبك" وانا كنت مشارك بدور في الفيلم وأحمد عبد العزيز مدير التصوير بالفيلم هو ابن أخت عادل إمام وانا مكنتش اعرف أن عادل إمام حاضر ولما العرض خلص اتفاجأت بيه وطبطب على وشي وقالي أنت شاطر اوي"

أما عن محمود عبد العزيز فقال أنه كان جاره في المهندسين وكان يمتلك منحل عسل وكان دائما ما يعطيه العسل.

نرشح لك: أحمد حلمي: أولادي مش بيتفرجوا على افلامي والإعلانات بتساعد الفنان يختار أعماله بعناية

أحمد حلمي

كان أحمد حلمي قد حل ضيفا على الإعلامي محمود سعد في حلقة مقسمة على جزئين وتحدث في حلقة أمس عن بداياته وقال "الأستاذة سناء منصور لها فضل كبير بعد ربنا فى مشواري، ودخلته بالصدفة قابلت واحد صحبى شغال هناك كان بيشتغل في الإخراج، وقالى ما تيجى تشتغل في التليفزيون، فروحت واخدلى ميعاد عشان أقابل سناء منصور رئيس القطاع الفضائي".

وتابع ""قعدت ساعتين تلاتة ومعرفتش أقابلها عشان كان عندها شغل واجتماعات كتيرة واخدت ميعاد تانى، وعرفتها إنى خريج ديكور وقالتلى طيب اشتغل يلا فعرفتها إنى عاوز اشتغل في الإخراج، وقالت لمحمد خلف صديقى، انزل معاه مساعد وهو كان بيخرج برنامج أطفال اسمه أحلام العصافير، فقالتله خده معاك يساعدك، وبدات أنزل معاه مساعد".