أحمد حلمي يتحدث عن بدايته مع برنامج الأطفال: صدفة وسناء منصور لها فضل كبير في مشواري

محمد أحمد

محمد أحمد تاريخ النشر: الجمعة، 17 نوفمبر، 2023 | آخر تحديث: الجمعة، 17 نوفمبر، 2023

أحمد حلمي

تحدث الفنان أحمد حلمي عن بدايته مع برامج الأطفال.

وقال أحمد حلمي خلال حلوله ضيفاً في برنامج "Sold out" الذى يقدمه الإعلامي محمود سعد، على قناة Cbc، ومنصة Watch it الرقمية: "الأستاذة سناء منصور لها فضل كبير بعد ربنا فى مشواري، ودخلته بالصدفة قابلت واحد صحبى شغال هناك كان بيشتغل في الإخراج، وقالى ما تيجى تشتغل في التليفزيون، فروحت واخدلى ميعاد عشان أقابل سناء منصور رئيس القطاع الفضائي".

أحمد حلمي

وأضاف: "قعدت ساعتين تلاتة ومعرفتش أقابلها عشان كان عندها شغل واجتماعات كتيرة واخدت ميعاد تانى، وعرفتها إنى خريج ديكور وقالتلى طيب اشتغل يلا فعرفتها إنى عاوز اشتغل في الإخراج، وقالت لمحمد خلف صديقى، انزل معاه مساعد وهو كان بيخرج برنامج أطفال اسمه أحلام العصافير، فقالتله خده معاك يساعدك، وبدات أنزل معاه مساعد".

محمود سعد وأحمد حلمي

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابع أحمد حلمي: "لغاية لما في أوردر مسكت الميكرفون وروحت متكلم مع طفل، والمصور صوره ومحمد خلف قالى نوريه لسناء منصور، ولما شافته، ضحكت كتير فانبسطت، وقالت أنا عايزة من الفكر دى 30 حلقة وكان شهر رمضان فاضل عليه أسبوعان فقط، فقلتلها ومين هيقدمه لإنى فاكر إنى هاخرجه، فقالتلى انت اللى هتقدمه ومحمد خلف هيخرجه".

نرشح لك: أحمد حلمي: فنان بنحبه تنمر عليّ في طفولتي قال علي "ميكي ماوس"

أحمد حلمي

وتابع: "بدأنا ننزل نصور بشكل مجنون مع أطفال كتير عشان نلحق نذيع 30 حلقة في رمضان، كنا بنروح أى حضانة واعمل أنا فيها زى المفتش، وادخل أعدى على كل فصل، وافتح واشوف الأولاد واشوف أكتر واحد هادي واخده بره أعمل معاه اللقاء، وكان أكتر حاجة بتبسطنى إن الأب والأم مش بيكونوا مصدقين إن ابنهم قال الكلام ده".