حنان مطاوع: كتبت وصيتي قبل دخول العمليات وكانت أمنيتي أعيش عشان بنتي (فيديو)

نهال ناصر

نهال ناصر تاريخ النشر: الجمعة، 10 نوفمبر، 2023 | آخر تحديث:

حنان مطاوع

كشفت الفنانة حنان مطاوع أنها كتبت وصيتها قبل دخولها غرفة العمليات لاستئصال الغدة الدرقية.

وحكت حنان مطاوع خلال لقائها في برنامج "معكم" مع منى الشاذلي تفاصيل ما حدث وقالت: "قلت وصيتي قبل ما أدخل العمليات، أنا كاتبة وصيتي من وأنا صغيرة من وأنا عندي 25 سنة، أسوة بالنبي صلى الله عليه وسلم، ويجددها كل فترة حسب الطارئ الجديد في حياتي".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

حنان مطاوع تحكي عن فترة مرضها

وعن رحلة مرضها قالت إنها في البداية تم تشخيص حالتها بشكل خاطئ وهو ما سبب أزمة كبيرة لها وقالت: "العالم بالنسبة ليا توقف، الحمد لله على كل شيء من 4 شهور، اتشخصت حاجة خطيرة، مش من دكتور وأنا بعمل الأشعة الموضوع تضخم وأخد منحنى تاني وكنا لسه مروحناش للدكتور ولا الجراح ودخلنا في الوهم، مبقيناش عارفين نعمل إيه ارتكبت".

نرشح لك: جمال العدل يعتذر ليسرا: أهم شخص في تاريخ "العدل جروب"

كشفت حنان مطاوع أنها كتبت وصيتها

وأوضحت حنان مطاوع أنها لم تشعر بأي أعراض لتضخم الغدة الدرقية وكانت الأعراض التي تأتي لها هي ضيق التنفس وبحة في الصوت تستمر طويلا ما إذا أصيبت بالإنفلونزا مضيفة: "كان كذا حد يسألني عندك غدة درقية وأقول أني بعمل تحليل ويطلع كويس، روحت عملت سونار والناس اللي عملولي السونار دخلوني في نفق مظلم ثم وهم، قالولي أن عندي ورم ومش عارفين منتشر ولا إيه".

حنان مطاوع

وأكملت حنان مطاوع حكاياتها لتكشف عن رد فعل زوجها في هذا الموقف: "أنا مبقتش شايفة حاجة في الدنيا غير أماليا العالم كله تلخص فيها، ومرتبكة جدا، وأمير جوزي عمل نفس المشهد بتاعي مع هند صبري في "حلاوة الدنيا" فجأة سابني وطلع يكلم كل الدكاترة في عيلتنا ودخل عليا ولونه أزرق وعمال يقولي هتبقي كويسة، أول ما نزلنا العربية بدأ عياط بصوت عالي قلت له هو أنا خلاص بموت، فضل يقولي هتبقي كويسة هتربي البنت".

واختتمت رسالتها: "كانت تجربة وحشة أوي، تجربة المسح الذري ويطلبوا مني مقعدش جنب بنتي طول اليوم، كنت طول الوقت بحمد ربنا وكانت شاكرة طول الوقت لكن بتمنى أني أعيش علشان أبقى معها".

وعن فكرة كتابة وصيتها دائما قالت: "أول وصية كتبتها كانت أن فلوسي تتوزع على الست اللي مربياني وصديقاتي في المدرسة، وكانت ماما عارفة وهتتجنن من أفكاري، أنا مش سوداوية طول الوقت بحلم ببكرا وشايفة أن في رحلتين رحلة بنبنيها في الدنيا ورحلة للآخرة وبحاول أبروز الاتنين قدامي عشان مفيش حاجة تسرقني عن التانية".

يذكر أن حنان مطاوع يعرض لها مسلسل "صوت وصورة" إخراج محمود عبد التواب وتأليف محمد سليمان عبد المالك، وإنتاج أروما استديوز للمنتج تامر مرتضى، ومن بطولة نجلاء بدر، مراد مكرم، وليد فواز، ناردين فرج، عمرو وهبة ولاء الشريف، صدقى صخر، هاجر عفيفى، أحمد ماجد، ايمان الشريف، رامى الطمبارى عماد صفوت وعدد آخر من الفنانين. من إنتاج شركة أروما للمنتج تامر مرتضى برعاية المتحدة للخدمات الإعلامية.