علق الفنان محمد رمضان على الجدل الذي أثير خلال الأيام الماضية بسبب تصريحات الفنان بيومي فؤاد التي شن من خلالها هجوما على الفنان محمد سلام بعد انسحابه من مسرحية "زواج اصطناعي" ضمن موسم الرياض.
وفي مقطع فيديو نشره محمد رمضان عبر حسابه على انستجرام قال "شيء قاسي إن يبقى أكتر حد إنت عايز تسعده وتبسطه وتنال رضاه هو اللي يكون قاسي عليك بالكلام.. كلامي عن اخواتي وحبايبي بيومي فؤاد ومحمد سلام وأنا بتشرف بزمالتهم الاتنين".
مساء الخير عليكم، مساء الخير لكل جمهور عربي ... راس مال أي فنان هما الناس اللي هما حضراتكم، بنطلب من كل حبايبنا ومن كل اللي حوالينا ومن أبويا وامي يدعوا ان ربنا يحبب فيا الناس ويحبب فيا الجمهور اللي هو حضراتكم".
تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا
وأضاف محمد رمضان "شيء قاسي إن يبقى أكتر حد إنت عايز تسعده وتبسطه وتنال رضاه هو اللي يكون قاسي عليك بالكلام".
وتابع محمد رمضان "لا محمد سلام غلط ولا بيومي فؤاد غلط ده احنا لو غلطنا واحنا بنصلي ربنا بيسامحنا ايه اللي هما عملوه عشان كل ده؟ وكل اللي بسمعه خلال الأيام اللي فاتت عن سلام انه مش هيشتغل تاني دا مش هيحصل لا احنا كفنانين هنسمح بدا ولا الجمهور هيسمح بدا ولا احنا مع اللي بيحصل في بيومي بعد ما قفل التعليقات بسبب الانتقادات اللي بتجيله... ياريت نكون أحن من كدة على بعض".
وشهدت الساعات الماضية حالة من الجدل، بعد قيام الفنان بيومي فؤاد بمهاجمة الفنان محمد سلام في نهاية عرض مسرحية "زواج اصطناعي" بموسم الرياض قائلا: "من حقك أنك تعتذر عن المسرحية لكن مش من حقك أنك تغلط في فنك، إحنا مبنجيش علشان نضحك حضراتكم إحنا بنقدم فننا المصري إنتوا بتحترمونا وإحنا بنحترمكم جدا شيء عظيم أني أخرج اتصور مع شاب سعودي ومع سيدة سعودية وهي تعلم أني مصري أنا بشرف بلدي".
وتابع: "أنا فنان مصري وليا الشرف جيت المملكة العربية السعودية وليا الشرف كتر خيركم كتر خيركم كتر خيركم، إحنا بنتعب وبنشقى عشان نقدم فن مش عشان نيجي نضحك لو الموضوع كده يبقى في فنانين من أيام نجيب الريحاني لغاية محمد أنور المفروض ينتحروا إحنا بنقدم فن".
وكان محمد سلام نشر فيديو عبر حسابه بموقع Facebook قال فيه، إنه توقع أن يتم إلغاء موسم الرياض بسبب الأحداث التي تشهدها غزة، بعد قرار إلغاء مهرجانات كبيرة مثل القاهرة السينمائي والجونة، لكن ذلك لم يحدث فاضطر للاعتذار عن السفر، لأنه لن يستطيع أن يقدم كوميديا ويرقص، تزامنا مع ما تشهده فلسطين من أحداث مؤسفة.
وأوضح سلام أنه شعر بأنه لو فعل ذلك كأنه يساهم في قتلهم أيضا، وهو ما رفضه تماما، رغم يقينه أن القرار قد يأتي بنتائج عكسية له، ويؤثر على عمله ودخله فيما بعد، لكنه أصر، وقال: "مش هموت من الجوع".
اقرأ أيضا:
أمينة خليل تدعم عهد التميمي: هدعيلك وربنا هيقويكي
ممثلة فلسطينية شابة: لو نجيت من الحـرب هكمل حلمي ولو ما نجيت بتمنى ما أكون رقم
شريف إكرامي لبيومي فؤاد: أكره التسول والشعارات الفارغة لا تتكلم باسم بلدك
حمو بيكا يستقبل مولودته الأولى ويطلق عليها هذا الاسم
لا يفوتك: الفنان ومدرب التمثيل نصر زينهم هيقول لنا رأيه في خالد النبوي ومحمد هنيدي ومحمد رمضان وأمير كرارة
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5