تحدث الفنان عمرو وهبة عن تعاونه مع صدقي صخر في مسلسل "صوت وصورة" والذي يعرض حاليا على شاشة DMC وأكد على أن صدقي صخر هو أفضل ممثل في "الاوف سيزون" لهذا العام.

قال عمرو وهبة خلال لقائه مع برنامج "It's showtime" المذاع على قناة cbc "كنت عارف صدقي من الشغلانة لكن مكناش صحاب، طبعا اتفرجت عليه في ريفو وفي الأعمال التانية وهو شاطر جدا"

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابع "انا في العادي مبحسش ايه هينجح واية لا ومبحبش افكر في دة حتى لو فيدباك فريق العمل بيقول أن العمل هينجح مبفكرش في دة لأن معادلة الناس مختلفة ومفيش ضمان للنجاح بس كنت بقول لصحابي أن الناس هيعجبها الدويتو بين لطفي ووافي وان صدقي هيبقى أحسن ممثل في الأوف سيزون السنة دي هو شاطر جدا ومجتهد جدا وبيجي حافظ ومركز في الشخصية وعنده كاريزما"

وأضاف "وانا وجهة نظري أن صدقي صخر أحسن ممثل في الاوف سيزون السنة دي والدور دة هيكون نقلة ليه والمسلسل لما بينجح كلنا بننجح واحنا مش متنافسين واحنا اتجاهات مختلفة وصدقي شاطر جدا ومشهد المرافعة هو جيه حافظ 4 صفحات ومعدناش"

نرشح لك: ممثلة تركية تتزوج من حبيبها في عمر الـ78… عاشت معه في نفس المنزل 22 عاما

وعن كواليس التصوير قال "أنا كل مشاهدي اللي في العربية هي بتعطل وفي مرة كنا بالعربية أنا وصدقي والكاميرا على العربية ولوحدنا وفي صلاح سالم ومحدش معانا في العربية وتوهنا من العربية اللي بتابعنا وانا كنت سايق وانا مش شايف وعمالين نسأل الناس والناس بتصورنا ومش عارفين نرجع لمكان التصوير فكانوا 5 دقايق ضحك"

وعن ردود الأفعال حول المسلسل قال "معنى أن الناس في التوقيت دة قادرين يتفرجوا ويكتبوا كلام إيجابي عن العمل دي حاجة مهمة ودايما بنقول أن معاد العرض مش باختيار الممثلين فدة غصب عننا ومبسوط بردود الأفعال"

يذكر أن مسلسل "صوت وصورة" من بطولة حنان مطاوع، وصدقي صخر، ونجلاء بدر، وعمرو وهبة، ومراد مكرم، ووليد فواز، وغيرهم نخبة من النجوم. المسلسل من تأليف محمد سليمان عبد المالك ومن إخراج محمود عبد التواب.

تدور أحداث المسلسل حول جريمة قتل لطبيب شهير ويتم توجيه الاتهام لحنان مطاوع والتي كانت اتهمته بالتحرش بها ولكن مع توالي الأحداث يظهر متهمين آخرين.

اقرأ أيضا:

أمينة خليل تدعم عهد التميمي: هدعيلك وربنا هيقويكي

ممثلة فلسطينية شابة: لو نجيت من الحـرب هكمل حلمي ولو ما نجيت بتمنى ما أكون رقم

شريف إكرامي لبيومي فؤاد: أكره التسول والشعارات الفارغة لا تتكلم باسم بلدك

حمو بيكا يستقبل مولودته الأولى ويطلق عليها هذا الاسم

لا يفوتك: الفنان ومدرب التمثيل نصر زينهم هيقول لنا رأيه في خالد النبوي ومحمد هنيدي ومحمد رمضان وأمير كرارة

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5