تامر حسني يشيد بأداء بسمة بوسيل لأغنية "أعطونا الطفولة" والأخيرة ترد: يا رب يا "تيمو" تحصل معجزة

نهال ناصر

نهال ناصر تاريخ النشر: الأحد، 29 أكتوبر، 2023 | آخر تحديث:

تامر حسني وبسمة بوسيل

أشاد الفنان تامر حسني بغناء طليقته بسمة بوسيل لأغنية "أعطونا الطفولة" لريمي بندلي.

وكانت بسمة بوسيل أعادت تقديم الأغنية بصوتها ونشرتها عبر حسابها على Instagram وكتب تامر حسني تعليقا على الفيديو: "أحسنتي أحسنتي يا بسمة ... يارب احفظ أطفال غزة وأهل غزة العزة أهل غزة الشرفاء الأبرياء ... قلوبنا تبكي بحرقة عليكي يا غزة يارب معجزة من عندك يارب معجزة من عندك يارب معجزة من عندك".

رسالة تامر حسني لبسمة بوسيل

لترد بسمة بوسيل عليه قائلة: "يارب يا تيمو يا رب بجد تحصل معجزة من رب العالمين وكل دا يخلص".

تعليق بسمة بوسيل

وأغنية "أعطونا الطفولة" من غناء اللبنانية ريمي بندلي، قدمتها في طفولتها عام 1984، ومن كلمات جورج يمين هدى سيداوي لينا أبورستم وألحان رينيه بندلي.

View this post on Instagram

A post shared by Bassma Boussil (@bassmaboussel)

على جانب آخر، كان تامر حسني استعان بآية قرآنية، موجها رسالة لجمهوره بضرورة التقرب من المولى عز وجل.

وكتب تامر حسني عبر حسابه الشخصي على Instgram: "أحنا في فترة من حياتنا عمرنا ما عدينا بيها قبل كده والكل تعبان وكتير مننا محتارين وكتير تايهين ومستغربين ومش مصدقين اللى بيحصل واللى شايفينه قدام عنينا".

نرشح لك: سبب وفاة ماثيو بيري بطل مسلسل Friends عن عمر 54 عاما

وأضاف تامر حسني: "دلوقتي كنت بسمع شيوخ كتير بيتكلموا عن اننا لازم نقرب لربنا عشان ده الحل الوحيد لكل الأديان عشان نخرج من الضلمة اللى عايشينها للنور.. روحت ماسك القرآن فجأة وفتحته وقولت ياترى لما أفتح عينى هتيجى على أى آية".

وتابع: "فتحت وعينى جت على الآية دى، الحقيقة مفيش إشارة أوضح من كده اللى عايزه يشوفها صدفة أو اشارة بتقدير من ربنا، فى النهاية اننا نقرب لربنا اكتر اكيد حاجة أحسن وأكيد أحسن اننا نفتح القرآن ونقرا فيه ولو صفحة أيًا كانت عنينا نزلت على أى آية، قراءة القرآن فى حد ذاتها أصلًا ثواب كبير، سبحان الله وبحمده جمعة مباركة على الجميع".

منشور تامر حسني

وخلال الفترة الماضية، تعاون تامر حسني مع الهلال الأحمر المصري في جهود الإغاثة، وشارك في حملة لإرسال المساعدات للمنكوبين بسبب إعصار ليبيا وزلزال المغرب.