وجهت أسما شريف منير رسالة إلى متابعيها بعد انتظامها في الصلاة خلال الفترة الأخيرة.
وكتبت أسما شريف منير عبر حسابها الشخصي بموقع التواصل الاجتماعي Instgram: "كل يوم أربعاء كنت بسهر مع صحابي، وكل مرة حتى لو بنبسط يوميها تاني يوم بيكون يوم وحش أوي، وكل مرة أقول مش هروح وبضعف وبروح، بقالي 12 يوم مرحتش، وده بدأ بأني حاسة إني عمري ما هعرف أرقص وأهيص في الوقت الصعب ده وبعدين بقى إحساس ليه علاقة بيا أنا واختياراتي".
وأضافت: "ذهبت اليوم إلى مسجد صالح الجعفري وصليت، وبعد ذلك ذهبت إلى مرقد الإمام الحسين وصليت صلاة العشاء، وكان شعور بالهدوء والسكينة الشديدين، وكان قلبي مطمئنًا وسعيدًا".
وتابعت: "وعندما عدت إلى المنزل، عدت من جهة المكان الذي كنت أسهر فيه وجلست أسبح لفترة، وشعرت كما لو أنني طلعت الأولى على المدرسة، أشعر بالقوة والانتصار على الشيطان وعلى نفسي".
تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا
وتابعت أسما شريف منير: ده مش عشان أنا ضد السهر، خالص بس أنا ضد أنها تبقى دي محور حياتي، ويوم ثابت كده التوازن مهم في كل حاجة، وأنا مبسوطة أني كل شوية بفوق وبصلح وحدة وحدة، أنا بقول الكلام ده عشان عارفة إن في ناس زيي محتاجين يعرفوا إنهم مش لوحدهم، وأن هيجي عليك وقت تحس إنك محتاج تفوق وساعتها حقيقي هتكون سعيد بجد مش من برا بس ولا في السهرة بس، السعادة هتملي قلبك كله، ربنا يهدينا كلنا يا رب.
في سياق متصل، خرجت البلوجر أسما شريف منير في بث مباشر لمتابعيها عبر تطبيق Instagram لتشاركهم مخاوفها وأفكارها بعد الحرب الدائرة على غزة.
بدأت أسما شريف منير الفيديو، قائلة: "اللي بيحصل دا أكيد له سبب، وعلى أصعدة كتير أوي، حاسة إنه الإسلام ابتدى يظهر بشكل بان اد إيه المسلمين طيبين، وأد إيه في ناس كتير أوي بتخاف على بعض وبان حبنا للبلد، رغم أن الموضوع بقاله سنين".
وخلال الفيديو تحدثت عن تغيرات أصابتها شخصيا بعد أحداث غزة، قائلة: "من ساعة اللي حصل في غزة وأنا خدتها عند مع نفسي والتزمت في الصلاة وبقالي 15 يوم ملتزمة وقللت خروجي جدًا ودي حاجة مريحاني جدًا، وكل مرة الصلاة بتريحني وبتلهي في الدنيا ولكن دلوقتي بحاول، ونفسي انتظم على الصلاة لغاية ما أموت".
وتابعت: الواحد يلتزم في الصلاة الأول وبعدين يغطي شعره، نفسي أعمل كده وربنا يهديني للحجاب، أنا خايفة أعمل حاجة تكون مثال مش كويس للحجاب، ودايمًا الواحد لما بيبدأ في الخيط الأولاني ومينفعش تنفره في الحاجة دي، ولازم دايمًا لما تشوف حد بيعمل حاجة ساعده وادعيله بالهداية، ولو أنت شايف حد أبو لهب افتح نفسه على الدين، واقتضى بالرسول عليه الصلاة والسلام.
وأكدت أسما شريف منير أنها أصبحت لا تخشى الموت، وقالت: "بعد ما التزمت بالصلاة حسيت إني ممكن أموت عادي، أنا دايمًا خايفة من الموت لأني دايمًا حاسة إن ناقصني حاجات كتير قوي ومش عارفة هقف إزاي قدام ربنا، خايفة أموت وأنا مش جاهزة، ربنا يثبتني على الصلاة دايمًا والواحد نفسه السيئة والشيطان ساعات كتير بيدمر العلاقة اللي بيني وبين ربنا، وبحس إني لما بصلي بكون هادية وربنا هاديني وفي حد في ضهري ومفيش حد هيأذيني وعندي ثقة إن ربنا معايا.
اقرأ أيضا:
بريتني سبيرز: فقدت عذريتي في سن الـ14 ومدير أعمالي أجبرني على الإدعاء أنني عذراء في العشرينات
تأجيل عرض الحلقات الجديدة من برنامج "إكس فاكتور" ... لظروف طارئة
#شرطة_الموضة: رسائل (تي شيرت) محمد سلام لنصرة القضية الفلسطينية ... ما علاقة محمد علي كلاي؟
لا يفوتك: أول ظهور لابنة الفنانة ريم رؤوف.. ماما سرقت حلمي
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5