دخلت النجمة غادة عبد الرازق في نوبة بكاء بمجرد وصولها إلى أستوديو برنامج "معكم منى الشاذلي" المذاع عبر قناة ON، متأثرة باستقبال الجمهور الحار لها.
وقالت غادة عبد الرازق موضحة سبب بكائها: "لما بحس إن الناس بتحبني أوي ده بيأثر فيا".
تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا
وردا على سؤال هل كانت مدركة لاندماجها التام في الدور الذي لعبته في مسلسل "حدث بالفعل"، قالت غادة عبد الرازق: "أثناء التمثيل مش باخد بالي، الناس حواليا بياخدوا بالهم إني فصلت وبقيت حد تاني غير غادة".
وكشفت غادة عبد الرازق أن الحلقة الثالثة من حكاية "تحت الحزام" التي قامت ببطولتها في المسلسل حلقة إضافية بقولها: "هما كانوا حلقتين، ولما قعدت مع المؤلف لقيت في حاجات كتير لازم تتوضح، عن خلفية الشخصية وزوجها راح فين، وإيه قصة ابنها، فوافقت أعمل 3 حلقات مع إني كنت اتفقت على حلقتين".
أوضحت غادة عبد الرازق أن الدور جذبها بسبب مرورها بتجارب صعبة مع الأطباء النفسيين قائلة: "اللي حببني في الموضوع إن عليا دكتورة نفسية المفروض تعالج الناس، لكن هي مريضة نفسيا".
وأضافت: "من فترة ذهبت لطبيب نفسي شهير جدًا، عشان كان عندي مشكلة.. أول ما دخلت العيادة لقيت الدكتور قاعد بيلف بالكرسي طول ما هو بيسألني وأنا أجاوبه، وفي الآخر قلت له، إيه رأيك يا دكتور، لقيته كتب لى روشتة أدوية كتير، وقالى خدى الأدوية دي لمدة أسبوعين وبعدين تعالى.. وأنا خارجة من عنده لقيته قاعد بردو بيلف بالكرسي.. ده عصبني جدا.. طلعت قلت للممرضة (نصيحة مني لازم تبلغي عنه الشرطة.. ده محتاج دكتور)".
واعترفت غادة عبد الرازق بأنها واجهت مشكلة بسبب الأدوية النفسية قائلة: "أخذت أدوية واتنكست، والساعة 2 بالليل كنت هعمل جريمة قتل في نفسي، وبقيت غير متزنة وبترعش، وطلبوا الدكتور الأساسي اللي بيعالجني".
يذكر أن حكاية "تحت الحزام" من مسلسل "حدث بالفعل" من بطولة غادة عبد الرازق، سلمى أبو ضيف، خالد أنور، بسنت حاتم، كريم عبد الخالق، تأليف فادي النجار.
ويتضمن مسلسل "حدث بالفعل" 101 قصة حقيقية تتعلق بالأمراض النفسية، وتم تجميع هذه القصص من 9 دول عربية ليكون أول مسلسل تليفزيوني يستعرض مثل هذه القصص في الوطن العربي، ويعرض على منصة "جوي Jawwi".
اقرأ أيضا:
عمرو دياب ينشر مقطع من أغنية "المعنويات مرتفعة" استعدادا لطرحها
نقل أيتن عامر للمستشفى بعد تعرضها لوعكة صحية (صورة)
غادة فتحي توجه رسالة جديدة عقب انفصالها عن محمد رشاد ... ماذا قالت؟
لا يفوتك: تحليل النغمات مع عمك البات: العلاقة بين الناقد والفنان .. الناقد يتكلم لحد فين؟ والفنان يتقبل لحد إيه؟
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5