إسعاد يونس: يوم نصر أكتوبر كنت أهم واحدة في الإذاعة

مي جودة

مي جودة تاريخ النشر: الأربعاء، 4 أكتوبر، 2023 | آخر تحديث: الأربعاء، 4 أكتوبر، 2023

إسعاد يونس

تحدثت النجمة إسعاد يونس عن ذكرياتها مع نصر أكتوبر المجيد يوم 6 أكتوبر، في ندوة تثقيفية احتفالية بالذكرى الخمسين لنصر أكتوبر، التي أقيمت بحضور الرئيس عبد الفتاح السيسي.

وقالت إسعاد يونس في كلمتها: "يوم 6 أكتوبر 10 رمضان الساعة 2 الضهر، اتقال بيان عسكري قلب الدنيا ورج المبنى ورج مصر كلها زلزال سعيد وزلزال من الفرحة والزغاريد، وأنا كنت أهم واحدة في الإذاعة اليوم ده، مش لأني مذيعة مهمة ومخضرمة ولا هقرأ بيان عسكري، لأني كنت مرمطون الإذاعة بيعلموا فيا اللي هما عاوزينه، اطلعي وانزلي".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابعت: ستوديو الأغاني كان مليان نجوم زي عبد الحليم وشادية وعبد الرحمن الأبنودي وصلاح جاهين، كانت هناك حالة زخم عظيم ورهيب، والفن اللي طلع منهم في الكام ساعة وفضل عايش لحد النهارده مش وليد اللحظة، لكن هما كانوا مستنيين طول الست سنين حلم وعايشين على أمل والأعمال الفنية بتتكون جوه نفسهم، علشان كده خرجوها بالسرعة والإنجاز ده والعظمة دي، والناس دي عمرها ما سلمت ولا يئست.

وأضافت: إسعاد يونس الجيش والشعب زي العاشق والمعشوق، كلنا جوه بعض ولاد بعض وأحفاد بعض وأعمام بعض.. استحالة يصدقوا أن فيه يأس ممكن يحصل وطول الوقت كان فيه أمل علشان كده الأعمال دي طلعت بالنجاح ده.